सावंतवाडी : आगामी काळात होणाऱ्या लोकसभा व विधानसभा निवडणुका शिवसेना-भाजप युती करून लढवणार आहे. त्यामुळे काळजी नको असे संकेत महसूलमंत्री चंद्रकांत पाटील यांनी आज येथे पत्रकार परिषदेत दिले.

आंबोली चौकुळ ला भेडसावणाऱ्या कबुलायतदार गावकर प्रश्नासंदर्भात लवकरच तोडगा काढू. काही गोष्टी तांत्रिक व न्यायालयीन कामात अडकले आहेत. मात्र, यावर विचार करण्यासाठी खास समिती बसविण्यात आली आहे.  मुंबई गोवा महामार्गाचे काम 2019 पर्यंत पूर्ण करण्यात येणार आहे. त्यासाठी आमचे प्रयत्न सुरू आहे, असे पाटील यांनी सांगितले.

यावेळी  दीपक केसरकर,राजन तेली, अतुल काळसेकर, प्रमोद जठार,महेश सारंग,मनोज नाईक,मंदार कल्याणकर आदी उपस्थित होते.