IND vs PAK Asia Cup T20 : आशिया चषक स्पर्धेतील भारत आणि पाकिस्तान यांच्यातील हाय व्होल्टेज सामना दुबई आंतरराष्ट्रीय क्रिकेट स्टेडियमवर खेळल्या जाणार आहे. आठ दिवसांत दोन्ही संघ दुसऱ्यांदा आमनेसामने आले आहेत. भारत आणि पाकिस्तान यांच्यातील सुपर-4 फेरीतील हा पहिला सामना आहे. रोहित शर्माच्या नेतृत्वाखालील संघाने गट फेरीत दोन सामने जिंकले. त्याचवेळी पाकिस्तानने शेवटचा सामना मोठ्या फरकाने जिंकला.

याआधीच्या सामन्यात भारताने पाकिस्तानचा पाच गडी राखून पराभव केला होता. टीम इंडियाला हाच फॉर्म कायम ठेवायचा आहे. 28 ऑगस्टच्या विजयापूर्वी भारताने 2016 मध्ये पाकिस्तानचा पाच विकेटने पराभव केला होता. यानंतर 2018 आशिया चषक स्पर्धेत टीम इंडियाने पहिल्या सामन्यात 8 गडी राखून आणि दुसऱ्या सामन्यात नऊ विकेट्स राखून पराभव केला.

भारत आणि पाकिस्तान यांच्यातील सामना कुठे, कधी आणि किती वाजता होणार आहे?

भारत आणि पाकिस्तान यांच्यातील हा सामना दुबई आंतरराष्ट्रीय क्रिकेट स्टेडियमवर ४ सप्टेंबरला नाणेफेक भारतीय वेळेनुसार संध्याकाळी 7 वाजता होणार आहे.

सामना कोणत्या टीव्ही चॅनेलवर प्रसारित केला जाईल?

आशिया कपच्या प्रसारणाचे अधिकार स्टार स्पोर्ट्स नेटवर्ककडे आहेत. तुम्ही हा सामना स्टार स्पोर्ट्स 1, स्टार स्पोर्ट्स 3, स्टार स्पोर्ट्स वर पाहू शकता.

हा सामना डीडी स्पोर्ट्स चॅनलवर डीडी फ्री डिशवर प्रसारित केला जात आहे. डीडी स्पोर्ट्स चॅनलसाठी कोणतेही शुल्क नाही. अशा परिस्थितीत तुम्ही कोणतेही पैसे न भरता या स्पर्धेचे सामने पाहू शकता.

भारत संघ : रोहित शर्मा (कर्णधार), केएल राहुल, विराट कोहली, सूर्यकुमार यादव, रिषभ पंत, दीपक हूडा, दिनेश कार्तिक, हार्दिक पंड्या, अक्षर पटेल, आर. अश्विन, युझवेंद्र चहल, रवी बिश्नोई, भुवनेश्वर कुमार, अर्षदीप सिंग आणि आवेश खान.

पाकिस्तान संघ : बाबर आझम (कर्णधार), शादाब खान, आसिफ अली, फखर झमान, हैदर अली, हारिस रॉफ, इफ्तेकार अहमद, शुशादिल शाह, महम्मद नवाझ, महम्मद रिझवान, हसन अली, नसीम शाह, शहनवाझ दहानी, उस्मान कादिर आणि महम्मद हसनैन.