नवी दिल्ली : यंदाची आशियाई स्पर्धा २०२२ (Asian Games 2022) चीनमध्ये १० सप्टेंबर पासून सुरू होत आहे. ऑल इंडिया चेस फेडरेशनला (All India Chess Federation) त्यांचे पुरूष आणि महिला संघ आशियाई स्पर्धेत मेडल पदक जिंकतील अशी आशा आहे. यासाठी फेडरेशनने दिग्गज ग्रँडमास्टर विश्वनाथन आनंदला (Viswanathan Anand) एक वेगळी भुमिका देऊ केली आहे. (Asian Games 2022 Viswanathan Anand to mentor Indian chess team)

ऑल इंडिया चेस फेडरेशनने आपल्या अधिकृत वक्तव्यात म्हटले आहे की, 'आम्ही आशियाई स्पर्धेत आमचे चार सुवर्ण पदके जिंकण्याचे टार्गेट असेल. त्यासाठी आम्ही दिग्गज ग्रँडमास्टर विश्वनाथन आनंदला (Viswanathan Anand) एक वेगळी भुमिका देणार आहोत. तो आता संघाचा मेंटॉर असणार आहे. खेळाडूंचे त्याच्यासोबतचे पहिले सत्र पुढच्या गुरूवारपासून सुरू होईल.'

2010 मध्ये झालेल्या गुआंगझोऊ गेम्समध्ये भारताला फक्त दोन कांस्य पदके जिंकता आली होती. मात्र आता ऑल इंडिया चेस (Chess) फेडरेशनने स्पर्धेची तयारी लवकर सुरू केली आहे. त्यांनी १० पुरूष आणि १० महिल खेळाडूंचा संभाव्य संघ देखील निवडून ठेवला आहे.

हे संघ खेळाडूंचे आंतरराष्ट्रीय रँकिंग लक्षात घेऊन निवडला आहे. पुरूष संघात वैदित गुजराथी, पी हरीकृष्णा, निहाल सरिन, एस.एल नारायणन, के. ससिकिरण, बी. अधिबन, कार्तिकेयन मुरली, अर्जुन इरिगासिस, अभिजीत गुप्ता आणि सूर्या शेखर गांगुली यांचा समावेश आहे. तर महिलांच्या संघात के. हम्पी, डी. हरिका, वैशाली आर., तानिया सचदेव, भक्ती कुलकर्णी, वनतिका अग्रवाल, मेरी अॅन गोमेज, सौम्या स्वामिनाथन आणि इशा करवडे यांचा समावेश आहे.

निवड समितीत अभिजीत कुंटे, देबयांदू बारूओ आणि दिनेश शर्मा यांचा समावेश होता. ही निवडसमिती एप्रिलमध्ये अंतिम पाच खेळाडूंची नावे जाहीर करतील. आशियाई स्पर्धेत बुद्धीबळाचे सामने ११ सप्टेंबर पासून सुरू होणार आहेत. हे सामने दोन फॉरमॅटमध्ये खेळले जाणार आहेत. पुरूष आणि महिलांचे वैयक्तिक रॅपिड टाईम कंट्रोल सामने ११ ते १४ सप्टेंबर दरम्यान खेळले जातील. तर पाच सदस्यांच्या संघाचे सामने स्टँडर्ड टाईम कंट्रोलनुसार सप्टेंबर १६ ते २४ दरम्यान पार पडतील.