Asian Games 2023 : एशियन गेम्स 2023 मध्ये आज भारतीय पुरूष जलतरण संघाने 4 बाय 100 मीटर फ्रीस्टाईल प्रकारात अंतिम फेरी गाठली आहे. भारताच्या तनिष जॉर्ज, विशाल ग्रेवाल, आनंद अनिलकुमार शैलजा आणि श्रीहरी नटराज यांनी हीटमध्ये 3 : 21.22 सेकंद वेळ नोंदवत हीटमध्ये पाचवे स्थान पटकावले. अंतिम फेरी आज भारतीय वेळेनुसार आज सायंकाळी 6 वाजून 18 मिनिटांनी सुरू होणार आहे.
पुरूषांबरोबरच भारतीय महिला 4 बाय 200 मीटर फ्रीस्टाईल रिले जलतरण संघ देखील अंतिम फेरीत पोहचला आहे. भारतीय संघातील धिनिधी, शिवांगी, वरिथी आणि हशिका यांनी आपल्या हीटमध्ये 8 : 39.64 अशी वेळ नोंदवत चौथे स्थान पटकावले होते.
पुरूष 50 मीटर बटरफ्लाय प्रकारात हीट 5 मध्ये वीरधवल खाडे 7 व्या तर महिला 50 मीटर फ्रीस्टाईल प्रकारात हीट 2 मध्ये शिवांगी शर्मा ही देखील 7 व्या स्थानावर राहिली.
एशियन गेम्समध्ये आज भारताने आतापर्यंत दोन पदकांची कमाई केली आहे. 60 किलो सांदा वुशू क्रीडाप्रकारात रोशिबिना देवी नाओरेमने रौप्य पदक तर शुटिंगमध्ये 10 मीटर एअर पिस्टल प्रकारात भारताच्या पुरूष संघाने सुवर्णवेध घेतला. सरबजोत सिंग, अर्जुन सिंह चीमा, शिवा नरवाल यांनी भारताला सुवर्ण पदक जिंकून दिलं.
आज एशियन गेम्समध्ये इक्वेस्टेरियन (घोडेस्वारी) ड्रेसेज वैयक्तिक प्रकारात भारताचे ह्रदय छेडा आणि अनुश अगरवाल्ला फायनलमध्ये पोहचले आहेत. याचबरोबर रामकुमार रामनाथन आणि साकेत मयनेनी हे देखील टेनिस पुरूष दुहेरीत अंतिम फेरीत पोहचले आहेत. त्यामुळे त्यांचे पदक निश्चित आहे.
तसेच रवि बोपन्ना आणि ऋतुजा भोसले हे देखील मिश्र दुहेरीची सेमी फायनल खेळणार आहेत. जर त्यांनी आजचा सामना जिंकला तर ते रौप्य पदक निश्चित करतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.