ऑस्ट्रेलियाचा माजी जदगती गोलंदाज ब्रेट ली (Brett Lee) क्रिकेटमधून निवृत्त झाला असला तरी त्याने अजूनही आपल्यातील धमक कायम ठेवलीये. चेंडू हातात आला रे आला की यॉर्कर टाकल्याशिवाय तो काही गप्प बसत नाही. मग पुढे कोणीही असो... ब्रेटलीचा भाऊन शेन ली याने सोशल मीडियावर एक व्हिडिओ शेअर केलाय. या व्हिडिओत ब्रेटलीचे जुने तेवर पाहायला मिळतात. हा व्हिडिओ सोशल मीडियावर तुफान व्हायरल (Viral Video) होत आहे.

या व्हिडिओमध्ये ब्रेट ली आपला मुलगा प्रेस्टन आणि कुटुंबातील इतर सदस्यांसोबत फ्रंट यार्ड क्रिकेट खेळताना दिसून येते. त्याने परफेक्ट यॉर्करवर आपल्या मुलाच्याच दांड्या उडवल्याचे या व्हिडिओत पाहायला मिळते. ब्रेट लीने टाकलेल्या चेंडूवर त्याच्या मुलाला बचाव करण्याची अजिबात संधी मिळाली नाही. ब्रेटलीने बोल्ड काढल्यावर त्याचा मुलगा रागाने बॅट फेकताना दिसते.

सोशल मीडियावर या व्हिडिओला चांगलीच पसंती मिळत आहे. ऑस्ट्रेलियन माजी जलदगती गोलंदाजाच्या या यॉर्कर चेंडूवर अने प्रतिक्रियाही उमटताना दिसते. ब्रेट लीने आपल्या क्रिकेट कारकिर्दीत 76 कसोटी सामन्यात 310 विकेट्स घेतल्या आहेत. वनडेत त्याच्या नावे 380 बळींची नोंद आहे. वनडेमध्ये ऑस्ट्रेलियाकडून सर्वाधिक विकेट घेणाऱ्या गोलंदाजांच्या यादी ब्रेटली आणि ग्लेन मेग्रा संयुक्तरित्या अव्वलस्थानी आहेत.

भारताविरुद्ध 1999 मध्ये ब्रेट लीने बॉक्सिंग डे कसोटीतून क्रिकेट कारकिर्दीला सुरुवात केली होती. 2003 आणि 2007 वर्ल्ड कप विजेत्या ऑस्ट्रेलियन संघाचा तो सदस्यही राहिला आहे. क्रिकेटमधून निवृत्ती घेतल्यानंतर तो समालोचकाच्या भूमिकेत दिसतो. त्याचा भाऊ शेन ली याने 1995 ते 2001 दरम्यान ऑस्ट्रेलियाकडून 55 वनडे सामने खेळले आहेत.