नवी दिल्ली: भारताचा विकेटकिपर वृद्धीमान साहाने (Wriddhiman Saha) त्याला पत्रकाराने मुलाखतीसाठी धमकावल्याचा (Journalist Threat) दावा केला होता. या प्रकरणाची गंभीर दखल बीसीसीआयने (BCCI) घेतली असून बीसीसीआय आता या प्रकरणाची एखाद्या स्वतंत्र समितीमार्फत चौकशी करण्याची शक्यता आहे. अशा प्रकारच्या घटनांची चौकशी करण्यासाठी ही स्वतंत्र समिती स्थापन करण्यात येण्याची शक्यता आहे. (BCCI Thinking Of Hiring an Agency to Probed Wriddhiman Saha Journalist Issue)

टाईम्स ऑफ इंडियाने दिलेल्या माहितीनुसार बीसीसीआयच्या वरिष्ठ अधिकाऱ्यांनी (BCCI Top Official) याबाबत चर्चा केली आहे. प्रत्येक खेळाडू, निवडसमिती, प्रशिक्षक, सहाय्यक स्टाफ आणि अधिकाऱ्यांच्या तक्रारीची चौकशी झाली पाहिजे असे त्यांचे मत आहे. बीसीसीआयच्या या वरिष्ठ अधिकाऱ्यांच्या निदर्शनास आले आहे की खेळाडू काही विषयांवर बोलण्यास धजावत नाहीत.

बीसीसीआयच्या सूत्रांनी सांगितले की, 'हा फक्त वृद्धीमान साहाचा प्रश्न नाही. प्रत्येक खेळाडूचे म्हणणे ऐकून घेतले गेले पाहिजे. या प्रक्रियेसाठी तुम्हाला एक स्वतंत्र संस्था गरजेची आहे. मात्र यासाठी आधी तुम्हाला तुमच्या संस्थेतील सर्वांचे मत जाणून घेणे गरजेचे आहे. माध्यमांबाबतचे विषय घेऊन काही खेळाडू विशिष्ठ अधिकाऱ्यांकडे येतात. त्या प्रत्येकाच्या अडचणींबाबत चौकशी झाली पाहिजे. विशेष म्हणजे माजी प्रशिक्षक आणि सपोर्ट स्टाफ यांनी देखील बोलले पाहिजे. जर सर्वांचे एकमत असेल तर अशा स्वतंत्र संस्थेमार्फत त्याची चौकशी करता येईल.'

जर अशा प्रकराच्या आरोपांची प्रकरणे सोडवली गेली तरच ड्रेसिंग रूममधील (Dresing Room) पवित्रता अबाधित राखता येईल. अशी प्रकरणे सोडवण्यासाठी विशेष समिती हा उत्तम पर्याय असू शकतो.