Rishabh Pant : भारतीय संघाचा स्टार यष्टीरक्षक फलंदाज ऋषभ पंत आता संघात पुनरागमन करण्यासाठी सज्ज दिसत आहे. कारण काही दिवसाआधी तो टीम इंडियाच्या सराव सत्रात क्रिकेटच्या मैदानावर दिसला होता. ज्याचे फोटोही सोशल मीडियावर व्हायरल झाले होते. ऋषभ आता आधीपेक्षा आता बरा दिसत आहे.

रिपोर्ट्सनुसार, ऋषभ पंत आयपीएल 2024 मध्ये क्रिकेटच्या मैदानात पुनरागमन करू शकतो. दुसरीकडे, भारतीय क्रिकेट नियामक मंडळ (बीसीसीआय) ऋषभ पंतच्या पुनरागमनाची घाई करू इच्छित नाही. त्यासाठी आता बीसीसीआयने खास योजना आखली आहे.

क्रिकबझच्या वृत्तानुसार, बीसीसीआयने आता पंतला रिकव्हरीसाठी विशेष सल्लामसलत करण्यासाठी लंडनला पाठवण्याचा निर्णय घेतला आहे. कारण ऋषभ पंत आयपीएल 2024 मधून क्रिकेटच्या मैदानात पुनरागमन करू शकतो.

पंतपूर्वी बीसीसीआयने टीम इंडियाचा स्टार वेगवान गोलंदाज मोहम्मद शमी आणि फलंदाज सूर्यकुमार यादव यांनाही लंडनला पाठवले आहे. मोहम्मद शमी आणि सूर्यकुमार यादवही दुखापतीमुळे सध्या संघाबाहेर आहेत.

टीम इंडियाचा यष्टीरक्षक फलंदाज ऋषभ पंत कार अपघातात गंभीर जखमी झाल्याने संघाबाहेर आहे. ऋषभ पंत क्रिकेट खेळून एक वर्षाहून अधिक काळ झाला आहे. आता चाहते पंतच्या मैदानात परतण्याची वाट पाहत आहेत.

पंतच्या संघात पुनरागमन करण्याबाबत अद्याप कोणतीही अधिकृत माहिती समोर आलेली नसली तरी, चाहत्यांना आशा आहे की ते पंत पुन्हा एकदा आयपीएल 2024 मध्ये दिल्ली कॅपिटल्सकडून खेळताना पाहतील. दुसरीकडे, पंतही स्वत:ला तंदुरुस्त ठेवण्यासाठी राष्ट्रीय क्रिकेट अकादमीमध्ये मेहनत घेत आहे.