Cheteshwar Pujara Test Record : भारत आणि बांगलादेश यांच्यातील दुसऱ्या कसोटीत दुसऱ्या दिवशी भारताचा स्टार फलंदाज चेतेश्वर पुजाराने 12 धावा करत महान फलंदाज सर डॉन ब्रॅडमन यांना मागे टाकले. याचबरोबर चेतेश्वर पुजाराने आपल्या 7000 कसोटी धावा देखील पूर्ण केल्या. भारताकडून कसोटी क्रिकेटमध्ये 7000 धावा करणारा पुजारा हा आठवा फलंदाज ठरला.

बांगलादेशविरूद्धच्या पहिल्या कसोटीत चेतेश्वर पुजाराने आपले कसोटीमधील सर्वात वेगवान शतक ठोकले होते. याचबरोबर चार वर्षांचा शतकांचा दुष्काळ देखील संपवला होता. दुसऱ्या सामन्यात देखील त्याने सकारात्मक फलंदाजी करण्यास सुरूवात केली. मात्र 55 चेंडूत 24 धावा केल्यानंतर तैजुल इस्लामने त्याला बाद करत भारताला तिसरा धक्का दिली.

पुजाराने बाद होण्यापूर्वी आपल्या कसोटीतील 7000 धावा पूर्ण केल्या. त्याने आतापर्यंत 98 कसोटी सामन्यात 44.77 च्या सरासरीने 7000 धावा करत सर डॉन ब्रॅडमन यांना देखील मागे टाकले. ब्रॅडमन यांनी आपल्या कसोटी कारकिर्दित 55 कसोटीत 6996 धावा केल्या आहेत. याचबरोबर पुजारा कसोटीत 7000 धावा पूर्ण करणार आठवा भारतीय फलंदाज ठरला.

भारताकडून कसोटीत सर्वाधिक धावा करणारे फलंदाज

सचिन तेंडुलकर - 15921

राहुल द्रविड - 13265

सुनिल गावसकर - 10122

व्हीव्हीएस लक्ष्मण - 8781

विरेंद्र सेहवाग - 8503

विराट कोहली - 8099

सौरभ गांगुली - 7212

चेतेश्वर पुजारा - 7000