T20 World Cup 2021, Afghanistan vs Scotland : शारजाच्या मैदानात झालेल्या सामन्यात अफगाणिस्तानने दणकेबाज विजय मिळवला. पहिल्यांदा फलंदाजी करताना अफगाणिस्तानने २० षटकांत १९० धावा कुटल्या. या धावांचा पाठलाग करताना स्कॉटलंडचा संघ १०.२ षटकात अवघ्या ६० धावांत गारद झाला आणि अफगाणिस्तानने १३० धावांनी विजय मिळवला. अफगाणिस्तानकडून मुजीब उर रहमानने पाच तर राशिद खानने ४ गडी बाद केले. मात्र, नावीन उल हक याच्या गोलंदाजीवर अहमद शहजादने टिपलेल्या कॅचची जास्त चर्चा रंगली.
आफगाणिस्तानकडून नजिबुल्ला झादरान धडाकेबाज अर्धशतक (५९) ठोकलं. रेहमतुल्ला गुरबाझ (४६) आणि हझरतुल्ला झझाई (४४) यांनी छोटेखानी खेळी करत संघाला १९० धावांचा पल्ला गाठून दिला. त्यानंतर आफगाणिस्तानच्या संघाने गोलंदाजीला सुरूवात केली. स्कॉटलंडचा संघ ३ बाद ३० या धावसंख्येवर असताना नावीन उल हकने मॅथ्यू क्रॉसला पहिल्या चेंडूवर झेलबाद केले. अहमद शहजादने त्याचा हवेत झेप घेत अप्रतिम झेल टिपला. त्याच्या या झेलाचे कौतुक करण्यात येत आहे.
अफगाणिस्तानचा स्कॉटलंडवर विजय
अफगाणिस्तान : २० षटकांत ४ बाद १९० - नजिबुल्ला झादरान ५९, रेहमतुल्ला गुरबाझ ४६, हझरतुल्ला झझाई ४४, सेफियान शरिफ ३३-२
स्कॉटलंड १०.२ षटकांत सर्वबाद ६० - जॉर्ज मुन्से २५, मुजीब उर रहिम २०-५, रशीद खान ९-४
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.