India Vs England 5th Test : भारत आणि इंग्लंड यांच्यातील मालिकेतील शेवटचा कसोटी सामना धरमशाला येथे खेळला जाणार आहे. सामन्याच्या दोन दिवस आधी टीम इंडियाचा युवा स्फोटक फलंदाज रिंकू सिंगही धरशालाला पोहोचला आहे.

यानंतर चाहत्यांच्या मनात प्रश्न निर्माण होत आहे की, मालिकेतील शेवटच्या कसोटी सामन्यात रिंकू सिंग कसोटी पदार्पण करणार का? तुम्हाला सांगतो, रिंकू सिंगने टीम इंडियासाठी वनडे आणि टी-20 क्रिकेटमध्ये याआधी डेब्यू केले आहे, पण त्याने अजून टेस्ट क्रिकेटमध्ये पदार्पण केलेले नाही.

रिंकू सिंगचा पाचव्या कसोटीसाठी टीम इंडियाच्या संघात समावेश नाही, त्यामुळे शेवटच्या कसोटी सामन्यात पदार्पण करणे त्याच्यासाठी शक्य नाही. रिंकू सिंग धरमशालामध्ये मॅच पाहण्यासाठी आला असावा. पण, रिंकू सिंगने सोशल मीडियाच्या माध्यमातून चाहत्यांना धरमशालामध्ये येण्याची माहिती दिली आहे.

खरंतर, धर्मशाला पोहोचल्यानंतर रिंकू सिंगने माजी स्फोटक फलंदाज आणि त्याच्या आयपीएल टीम केकेआरचा प्रशिक्षक ब्रेंडन मॅक्क्युलमची भेट घेतली. रिंकू सिंगला ब्रेंडन मॅक्क्युलमकडून खूप काही शिकायला मिळाले आहे.

मालिकेतील पहिला सामना गमावल्यानंतर टीम इंडियाने शानदार पुनरागमन केले आणि सलग तीन सामने जिंकून मालिकेत 3-1 अशी अभेद्य आघाडी घेतली. आता शेवटचा सामना जिंकून टीम इंडियाला मालिका 4-1 ने जिंकायची आहे. शेवटच्या कसोटी सामन्यात टीम इंडियाच्या प्लेइंग इलेव्हनमध्ये बदल दिसू शकतात. पाचव्या कसोटी सामन्यात आणखी एक खेळाडू टीम इंडियासाठी पदार्पण करू शकतो.

होय देवदत्त पडिक्कल धरमशाला कसोटीत पदार्पण करू शकतो. रजत पाटीदारच्या जागी देवदत्तचा प्लेईंग इलेव्हनमध्ये समावेश केला जाऊ शकतो. रजत पाटीदारलाही या मालिकेत पदार्पण करण्याची संधी मिळाली होती, पण रजत या संधीचे सोने करू शकला नाही. त्यानंतर त्याला संघातून वगळण्याचा धोका आहे.

धरमशाला येथील पाचव्या कसोटीसाठी भारतीय संघ : रोहित शर्मा (कर्णधार), जसप्रीत बुमराह (उपकर्णधार), यशस्वी जैस्वाल, शुबमन गिल, रजत पाटीदार, सर्फराज खान, ध्रुव जुरेल (यष्टीरक्षक), केएस भरत (यष्टीरक्षक), देवदत्त पडिक्कल, आर. अश्विन, रवींद्र जडेजा, अक्षर पटेल, कुलदीप यादव, मोहम्मद सिराज, मुकेश कुमार, आकाश दीप.