भारतीय क्रिकेट संघातील अष्टपैलू खेळाडू युएईमधून (UAE) मायदेशी परतला आहे. विमानतळावर कस्टम विभागाने त्याच्याकडून दोन महागडी घड्याळ जप्त केल्याची माहिती समोर येत आहे. हार्दिक पांड्याकडे दोन घड्याळांचे बिल नसल्यामुळे ती ताब्यात घेण्यात आली असून या घड्याळांची किंमत 5 कोटींच्या घरात असल्याचे समजते.
आयसीसी वर्ल्ड कप स्पर्धेनंतर भारतीय संघातील खेळाडू मायदेशी परतले आहे. भारतीय संघासोबतच हार्दिक पांड्याही रविवारी रात्री उशीराने भारतात परतला. विमानतळावर कस्टम विभागाच्या अधिकाऱ्यांनी त्याला रोखले. त्याच्याकडील दोन घड्याळे जप्त करण्यात आली आहेत. टी-20 वर्ल्ड कप स्पर्धेत हार्दिक पांड्याला नावाला साजेसा खेळ करता आला नव्हता. पाठिच्या दुखापतीनंतर अष्टपैलूच्या रुपात तो टीम इंडियासाठी उपयुक्त ठरताना दिसत नाही. त्यामुळेच न्यूझीलंड विरुद्धच्या टी-20 मालिकेतून त्याला वगळ्यात आले आहे.
यापूर्वीही क्रुणाल पांड्या पांड्याबाबत घडली होती अशीच घटना
युएईच्या मैदानात रंगलेल्या गतवर्षीच्या आयपीएल हंगामानंतर मायदेशी परतलेल्या क्रुणाल पांड्याकडे अतिरिक्त सोने आढळून आले होते. दोन सोन्याच्या बांगड्यांसह काही महागडी घड्याळे त्यावेळी क्रुणाल पांड्याकडून जप्त करण्यात आली होती. डिक्लेरेशन न दिल्यामुळे त्याच्या या वस्तू ताब्यात घेण्यात आल्या होत्या. कस्टम ड्यूटीच्या स्वरुपात नियमानुसार ठराविक टक्क्यांच्या स्वरुपात रक्कम क्रुणाल पांड्याला भरावी लागली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.