आयपीएलच्या हंगामात लखनौ सुपर जायंट्सने शानदार विजय मिळवला. बुधवारी झालेल्या सामन्यात लखनौ संघाने कोलकाता नाईट रायडर्सचा 2 धावांनी पराभव केला. यष्टिरक्षक-फलंदाज क्विंटन डी कॉक हा या विजयाचा हिरो ठरला. त्याने 70 चेंडूत 140 धावा केल्या. मॅचनंतर त्याने आपल्या अॅग्रेसिव्ह खेळीच खुलासा केला आहे.

मॅचनंतर डिकॉकने त्याच्या शतकी खेळावर भाष्य केले. मी माझ्या डावानंतर थोडो थकला होतो. मला वाटतं की सेंचुरीनंतर माझ्यातील फ्रस्ट्रेशन बाहेर आलं. मला आनंद होत आहे की मी क्रिजवर आलो आणि अशाप्रकारे खेळी खेळली. स्टेडिअममधील माझ्या नावाचा जयघोष पाहून मी पूर्ण भारवून गेलो. खेळून मला समाधान मिळालं.

तसेच, तो पुढे म्हणाला मला वाटलं नव्हते की मी इतका चांगला खेळेन. केकेआर जबदस्त खेळ केला. त्यांनी परिस्थितीचा चांगला फायदा घेतला. एक वेळ अशी आली होती की मॅच आमच्या हातून निसटत होती. मात्र, एविन लुइसच्या कॅचने आमची बाजी पलटली. जसे म्हटले जाते की चांगल्या कॅचने मॅच जिंकवली. असे केकेआरचे कौतुक करत डीकॉकने आपल्या खेळसंदर्भात भावना व्यक्त केल्या.

मेगा लिलावात लखनौ संघाने डेकॉकला 6.75 कोटी रुपयांची बोली लावली आणि विकत घेतले. डी कॉकने या हंगामात आतापर्यंत 14 सामने खेळले असून त्यात त्याने 502 धावा केल्या आहेत. ऑरेंज कॅपच्या शर्यतीत तो तिसऱ्या क्रमांकावर आहे. सामन्यात लखनौ संघाने नाणेफेक जिंकून प्रथम फलंदाजी करताना एकही विकेट न गमावता 210 धावा केल्या. डी कॉकशिवाय कर्णधार केएल राहुलने 51 चेंडूत 68 धावांची खेळी खेळली. प्रत्युत्तरात कोलकाता संघ 8 विकेट्सवर 208 धावाच करू शकला आणि सामना 2 धावांनी हरला.