Dwayne Bravo IPL Retirement : चेन्नई सुपर किंग्जने अष्टपैलू खेळाडू ड्वेन ब्राव्होने आयपीएलमधून निवृत्तीची घोषणा केली. चेन्नईने त्याला लिलावापूर्वी रिलीज केले होते. त्यानंतर त्याने लिलावात भाग घेण्यापेक्षा निवृत्तीचा मार्ग पत्करला. जरी ब्राव्होने आयपीएलमधून निवृत्ती घेतली असली तरी तो आता आयपीएलमध्ये नव्या स्वरूपात दिसणार आहे.

ड्वेन ब्राव्हो सीएसकेच्या सोशल मीडिया अकाऊंटवरील व्हिडिओत म्हणतो की, 'मी या नव्या प्रवासासाठी उत्सुक आहे. मी देखील माझे खेळण्याचे दिवस संपल्यानंतर देखील हेच करण्याचा विचार करत होते. मला गोलंदाजांबरोबर कामन करण्यात आनंद येतो. मी या नव्या भुमिकेबाबत उत्सुक आहे.'

ब्राव्हो पुढे म्हणाला, 'खेळाडू ते प्रशिक्षक या प्रवासात मला फार जळवून घ्यावे लागणार नाही. कारण मी खेळत असताना देखील मी गोलंदाजांशी संवाद साधून त्यांच्यासोबत काम करत होते. त्यांच्याशी रणनिती, नव्या कल्पना यांच्याशी चर्चा करत होतो. आपण फलंदाजाच्या एका पाऊल पुढे कसे राहू याबाबत देखील देवाण घेवाण करत होते. आता फक्त एकच फरक असणार आहे की मी आता मिड ऑन किंवा मिड ऑफला उभा असणार नाही.'

ब्राव्हो म्हणाला, 'मी आयपीएल इतिहासातील सर्वाधिक विकेट्स घेणारा गोलंदाज होईन असे मला वाटले नव्हते. मात्र मला आयपीएल इतिहासाचा एक भाग असल्याचा खूप आनंद आहे.'