Emerging Asia Cup 2023 India vs Pakistan Final : साखळी सामन्यात मिळवलेले वर्चस्व आणि उपांत्य सामन्यात बांगलादेशविरुद्ध लागलेला कस यामुळे पूर्णपणे तयार झालेल्या भारतीय इमर्जिंग क्रिकेट संघाला आज पाकला नमवून विजेतेपदाची अधिक संधी आहे..

भारत आणि पाक हे पारंपरिक प्रतिस्पर्धी पुन्हा एकदा आमने-सामने येत आहेत, पण यावेळी विजेतेपदाचा सामना असणार आहे. भारताने स्पर्धेत अपराजित राहाण्याची कामगिरी केली आहे. त्यामुळे आत्मविश्वास साहजिकच यश धूलच्या नेतृत्वाखाली खेळणाऱ्या भारतीय संघाकडे असणार आहे. पाकिस्तानने गमावलेला एकमेव सामना भारताविरुद्धचा होता.

पाकविरुद्धचा अखेरचा साखळी सामना एकतर्फी जिंकल्यामुळे भारतीय संघाला विजेतेपदाचे स्वप्न पडू लागले होते; परंतु बांगलादेशने भारतीयांचे पाय जमिनीवर आणले. उपात्य सामन्यात केलेला संघर्ष भारतीय संघाला कमकुवत बाजूंवर विचार करायला लावणारा होता. भारतीय संघात 'अ' संघातून खेळलेले आणि आयपीएलचा अनुभव असलेले खेळाडू आहेत. प्रत्येक सामन्यात वेगवेगळे हिरो निर्माण झाले आहेत. हीच भारतासाठी मोठी जमेची बाजू आहे.

साई सुदर्शन, अभिषेक शर्मा, निशांत सिद्ध या फलंदाजांनी मोठ्या धावा केल्या आहेत. बांगलादेशविरुद्ध भारतीय संघ ७ बाद १३७ असा संकटात सापडला असताना कर्णधार यश धुलने ६६ धावांची खेळी केली. त्यामुळे भारताला २११ धावा करता अल्या महत्त्वाचे म्हणजे या धावा निर्णायक ठरवल्या.

• भारत विरुद्ध पाक ठिकाण : कोलंबो.

• वेळ : दुपारी २ पासून थेट प्रक्षेपण : फॅनकोड