Ind vs Aus Test : बॉर्डर-गावसकर ट्रॉफीच्या पहिल्या कसोटीत भारताने ऑस्ट्रेलियाचा एक डाव आणि 132 धावांनी पराभव करून 1-0 अशी आघाडी घेतली. टीम इंडियाचे प्रशिक्षक राहुल द्रविड यांच्यासोबत खेळलेल्या व्यंकटेश प्रसादने भारतीय सलामीवीर के एल राहुल वर प्रश्नचिन्ह उपस्थित केले आहे. राहुलने या सामन्यात 71 चेंडूत 20 धावांची खेळी केली.

भारताचा माजी गोलंदाज व्यंकटेश प्रसादने केएल राहुलला चांगलेच फटकारले आहे. व्यंकटेश प्रसाद यांनी ट्विट केले की, “राहुलची निवड कामगिरीच्या आधारावर नाही तर पक्षपाताच्या आधारावर केली जात आहे. आंतरराष्ट्रीय क्रिकेटमध्ये 46 कसोटी आणि 8 वर्षांहून अधिक काळानंतर 34 ची कसोटी सरासरी सामान्य आहे. कोणाला इतक्या संधी दिल्या आहेत ते आठवत नाही. तेही जेव्हा अनेक खेळाडू चांगली कामगिरी करूनही संधीची वाट पाहत असतात. शुभमन गिल जबरदस्त फॉर्ममध्ये आहे, सरफराज खान प्रथम श्रेणी क्रिकेटमध्ये शतक झळकावत आहे आणि राहुलच्या जागी अनेक खेळाडू आहेत जे स्थान देण्यास पात्र आहेत.

व्यंकटेश प्रसाद पुढे म्हणाला की, “काही खेळाडू इतके भाग्यवान आहेत की त्यांना यश मिळेपर्यंत अनंत संधी दिली जातात तर काही ना नाहीत. मी केएल राहुलच्या प्रतिभेचा आणि क्षमतेचा आदर करतो, पण दुर्दैवाने त्याची कामगिरी खूपच खराब आहे. व्यंकटेश प्रसाद यांनी रविचंद्रन अश्विनसारख्या खेळाडूला कसोटी क्रिकेटमध्ये उपकर्णधार बनवण्याबाबत सांगितले. त्यांनी सध्याच्या भारतीय संघातील पाच क्रिकेटपटूंची नावे दिली आहेत जे उपकर्णधाराची भूमिका बजावू शकतात.

टीम इंडिचा उपकर्णधार राहुल आहे. अश्विनला क्रिकेट चांगलं कळतं, तो कसोटी फॉरमॅटमध्ये उपकर्णधार व्हायला हवा. तो नाही तर चेतेश्वर पुजारा, रवींद्र जडेजा, मयंक अग्रवाल किंवा हनुमा विहारीचाही विचार करावा. त्यांना कोणत्याही फ्रँचायझीच्या कर्णधाराला त्रास देणे आवडणार नाही, कारण आजच्या युगात बहुतेक लोकांना होय म्हणणारे आणि डोळे झाकून आज्ञा पाळणारे लोक आवडतात. काळ बदलला आहे आणि लोकांना सत्य सांगायचे नाही.