बॉर्डर-गावसकर ट्रॉफी 2023 मध्ये टीम इंडियाने ऑस्ट्रेलियाविरुद्ध 1-0 अशी आघाडी घेतली आहे. भारताने नागपूर कसोटी सामना अवघ्या तीन दिवसांत जिंकला. या कसोटी सामन्यात भारतीय गोलंदाज विशेषत: रवींद्र जडेजा आणि आर अश्विन यांनी ज्या पद्धतीने गोलंदाजी केली. तर टीम इंडियाचा कर्णधार रोहित शर्माने 120 धावांची संस्मरणीय खेळी खेळली.

नागपूर कसोटीत रोहित शर्मा सर्वाधिक धावा करणारा खेळाडू आहे. टीम इंडियाचा सीनियर यष्टिरक्षक फलंदाज दिनेश कार्तिकने रोहितचे जोरदार कौतुक केले आणि अन्याय होत असल्याचे पण सांगितलं.

रोहित हा तिन्ही फॉरमॅटचा सध्याचा जागतिक दर्जाचा फलंदाज आहे. दिनेश कार्तिकचे असे मत आहे. दिनेश कार्तिक क्रिकबझवर म्हणाला, रोहित शर्मा हा जागतिक दर्जाचा फलंदाज आहे यात शंका नाही. देशासाठी तिन्ही फॉरमॅटमध्ये खेळणारा तो सर्वोत्कृष्ट फलंदाजांपैकी एक आहे. त्याने अलीकडेच कर्णधार म्हणून तिन्ही फॉरमॅटमध्ये शतक झळकावले. भारतात त्याने कसोटीत सलामीवीर म्हणून सुमारे 75च्या सरासरीने धावा केल्या आहेत. जेव्हापासून तो पांढऱ्या चेंडूच्या क्रिकेटमध्ये सलामीवीर बनला, तेव्हापासून त्याच्यासाठी परिस्थिती खूप लवकर बदलल्या.

मात्र दिनेश कार्तिकला वाटते की, रोहित शर्माचे कसोटी क्रिकेटमध्ये जेवढे कौतुक व्हायला हवे होते तेवढे झाले नाही. हा त्याच्यावर अन्याय आहे. तो म्हणाला, तुम्ही बघू शकता की त्याला फलंदाजी किती आवडते. तो आधी वेगवान गोलंदाजांना आणि नंतर फिरकीपटूंना टारगेट करतो. पण कधी-कधी मला असं वाटतं की, कसोटी क्रिकेटमध्ये त्याचे कौतुक कमी झाले. कसोटी क्रिकेटमध्ये सलामीवीर म्हणून त्याने चमकदार कामगिरी केली आहे.