IND vs BAN 1st ODI : भारत आणि बांगलादेश यांच्यातील तीन एकदिवसीय सामन्यांच्या मालिकेतील पहिला सामना शेरे बांगला स्टेडियमवर खेळल्या जात आहे. या सामन्यात ऋषभ पंत तंदुरुस्त नसल्याने केएल राहुलला भारतीय यष्टीरक्षक फलंदाज म्हणून प्लेइंग इलेव्हनमध्ये स्थान देण्यात आले आहे. अशा परिस्थितीत जेव्हा रोहित शर्माने टीम इंडियाच्या इलेव्हनचा खुलासा केला, तेव्हा भारतीय चाहते संतापले.

एका नेटकऱ्याने केएल राहुलचा यष्टीरक्षक फलंदाज म्हणून संघाचा भाग झाल्याची मीम शेअर करून त्याची खिल्ली उडवली आहे. ट्विट करत त्याने लिहिले की, 'आता घोड्यांच्या शर्यतीत गाढवेही धावतील.' आणखी एका यूजरने लिहिले की, 'आता केएल राहुलला संघात ठेवण्यासाठी त्यांनी ऋषभ पंतला वगळले आहे.' एका यूजरने मीम शेअर करत लिहिले, 'लोक केएल राहुलला पाठिंबा देत आहेत?'

ऋषभ पंतच्या जागी विकेटकिपर म्हणून इशान किशन होता, परंतु असे असूनही केएल राहुलचा संघात समावेश करण्यात आला आहे. खरं तर, केएल राहुल पूर्वी जेव्हा संघाचा भाग होता, तेव्हा त्याने फक्त फलंदाजाची भूमिका बजावली होती. हे टी-20 फॉरमॅटमध्येही पाहायला मिळाले आहे. दुसरीकडे यष्टीरक्षक फलंदाज म्हणून संधीची वाट पाहणारे इतर खेळाडू लांब रांगेत आहेत, ज्यामध्ये इशान किशन आणि संजू सॅमसन सारखे खेळाडू देखील आहेत.