India vs Bangladesh Pune Match Tickets : एकदिवसीय वर्ल्ड कप 2023 मध्ये भारतीय संघ आज (19 ऑक्टोबर) पुण्याच्या मैदानात विजयाचा चौकार मारण्यासाठी मैदानात उतरेल. हा सामना पुण्यातील महाराष्ट्र क्रिकेट असोसिएशन स्टेडियमवर दुपारी 2.00 वाजता सुरू होणार आहे. या दरम्यान महाराष्ट्र क्रिकेट असोसिएशनचे अध्यक्ष आमदार रोहित पवार यांचा एक व्हिडिओ सोशल मीडियात मोठ्या प्रमाणे व्हायरल होत आहे.

27 वर्षांनंतर पुण्यामध्ये वर्ल्ड कपचा सामना खेळला जाणार आहेत. मात्र, ऑनलाइन तिकीट मिळत नसल्याने क्रिकेट चाहते गहुंजे स्टेडियमच्या परिसरात गर्दी करत आहेत. पण सामन्याच्या एक दिवस आधी रोहित पवार यांचा एक व्हिडिओ व्हायरल झाला. ज्यामध्ये इंस्टाग्राम सेलिब्रिटींनी पुण्यातील मॅचचं 'फ्री' तिकीट मिळणार असल्याचं रोहित पवारांनी सांगितलं आहे. मात्र, त्यासाठी फक्त एक अट घालण्यात आली आहे.

त्या व्हायरल व्हिडिओ मध्ये रोहित पवार म्हणाले की, इंस्टाग्राम रील्सला जर तुम्हाला वीस लाखाच्या वर व्ह्यूज असतील. तर त्याला तिकीट फ्री द्यायचे जबाबदारी आमची. रोहित पवारांचा हा व्हिडिओ काही तासातच व्हायरल झाला.

पुण्यातील महाराष्ट्र क्रिकेट असोसिएशन स्टेडियमवर यंदा वर्ल्ड कपचे पाच सामने खेळवले जाणार आहेत. पहिला सामना आज भारत विरुद्ध बांगलादेशमध्ये रंगणार आहे. त्यानंतर इतर सामने खेळवले जाणार आहेत. ही खेळपट्टी फलंदाजांसाठी उपयुक्त आहे.

येथे संपूर्ण सामन्यात धावा करणे खूप सोपे आहे. या खेळपट्टीवर सामान्य उसळी आणि वेग आहे, त्यामुळे मोठे फटके सहज मारता येतात. आणि मैदानही खूपच लहान आहे, त्यामुळे फिरकी गोलंदाजांविरुद्ध खूप धावा केल्या होतील.