हार्दिक पांड्याच्या नेतृत्वाखालील संघाने श्रीलंकेविरुद्ध खेळल्या जाणाऱ्या तीन सामन्यांच्या टी-20 मालिकेची सुरुवात विजयाने केली. मात्र, दुसऱ्याच सामन्यात भारतीय संघाला पराभवर स्विकारावा लागला. या पराभवाला गोलंदाजांना जबाबदार धरले आहे. दरम्यान, कॅप्टन हार्दिक पाडंयाचे काही फोटो, व्हिडीओ सोशल मीडियावर व्हायरल होताना दिसत आहेत. त्यामुळे तो तुफान ट्रोल होताना दिसत आहे. (IND vs SL 2nd T20 Hardik Pandya Troll fans social media )

पुण्यात झालेल्या टी-20 सामन्यात भारतीय संघाला 16 धावांनी दारूण पराभवाला सामोरे जावे लागले. यासह दोन सामन्यांच्या टी-20 मालिकेत 1-1 अशी बरोबरी झाली आहे. या सामन्यानंतर पांड्या नेटिझन्सच्या निशाण्यावर आला आहे.

हेही वाचा: Virat Kohli : विराट कोहली अनुष्कासोबत व्हेकेशनवर, संघाची घोषणा होताच गाठले मुंबई विमानतळ

का होतोय पांड्या ट्रोल?

सामन्याच्या अखेरच्या षटकात अक्षर पटेल आऊट होताच कॅप्टन पांड्या पॅव्हेलियनमध्ये बसलेल्या सहकारी खेळाडू आणि व्यवस्थापकाशी हातमिळवणी करु लागला. त्याच्या या कृतीतून पांड्याने स्वतःच हार मानली असे चित्र दिसले. त्यामुळे पांड्याचा नेटकऱ्यांनी चांगलाच समाचार घेतला आहे.

उभय संघांमधील टी-20 मालिकेतील शेवटचा सामना 7 जानेवारी रोजी होणार आहे. भारतीय संघाचा खराब खेळ पाहता, शेवटच्या सामन्यात टीम इंडिया प्लेइंग 11 मध्ये बदल करू शकते, असे मानले जात आहे. पण राहुल द्रविड म्हणाला, 'मी तिसऱ्या सामन्याबद्दल विचार केलेला नाही. तिथे गेल्यावर विकेट बघू. पण मला जास्त प्रयोगांची अपेक्षा नाही. जे खेळाडू आधीच खेळत आहेत ते खूप तरुण संघ आहेत.