Shikhar Dhawan on Shubman Gill : भारत आणि न्यूझीलंड यांच्यातील वनडे मालिकेतील पहिल्या सामन्यात युवा सलामीवीर शुभमन गिलने द्विशतक झळकावून संस्मरणीय खेळी केली आहे. एकदिवसीय क्रिकेटमध्ये द्विशतक झळकावणारा शुभमन गिल हा यादीतील 8 वा खेळाडू ठरला आहे. सचिन तेंडुलकर, वीरेंद्र सेहवाग, रोहित शर्मा, मार्टिन गप्टिल, फखर जमान, ख्रिस गेल आणि इशान किशन यांनी त्याच्या आधी हा पराक्रम केला आहे.
गेल्या एक वर्षापासून शुभमन गिलने एकदिवसीय क्रिकेटमध्ये सातत्याने धावा केल्या आहेत आणि टीम इंडियाचा अनुभवी फलंदाज शिखर धवनच्या जागी स्वत: ला परमनंट केले आहे. या सगळ्याच्या पलीकडे शिखर धवनने शुभमन गिलचे द्विशतकाबद्दल मनापासून अभिनंदन केले आहे.
शुभमन गिलच्या विक्रमाबद्दल सलामीवीर शिखर धवनने ट्विटरवर लिहिले की, 'शुबमन गिलचे वनडे मालिकेत द्विशतक झळकावणारा सर्वात तरुण फलंदाज बनल्याबद्दल हार्दिक अभिनंदन!' त्याच्या या ट्विटवर क्रिकेट चाहत्यांनी आनंद व्यक्त केला. शुभमन गिलने 23 वर्ष 132 दिवसात ही मोठी कामगिरी केली आहे. न्यूझीलंडविरुद्धच्या 208 धावांच्या खेळीत त्याने 19 चौकार आणि 9 गगनचुंबी षटकार मारले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.