India vs West Indies 2nd ODI : भारत आणि वेस्ट इंडिज यांच्यातील तीन एकदिवसीय सामन्यांच्या मालिकेतील दुसरा सामना आज ब्रिजटाऊन येथील केन्सिंग्टन ओव्हलवर खेळवला जाणार आहे. मालिकेतील पहिल्या सामन्यात भारताने वेस्ट इंडिजचा पाच विकेट्सने पराभव केली. पण या सामन्यासाठी टीम इंडियाच्या प्लेइंग 11 मध्ये बदल पाहायला मिळू शकतात. मालिकेतील पहिल्या सामन्यात फ्लॉप ठरलेल्या खेळाडूला या सामन्यात बाहेर बसावे लागू शकते.

मालिकेतील पहिला एकदिवसीय सामना बार्बाडोसमध्येच खेळला गेला. या सामन्यात विराट कोहली फलंदाजीसाठी आला नाही. त्यांच्या जागी सूर्यकुमार यादवला पाठवण्यात आले. मात्र या संधीचा फायदा उठवण्यात सूर्यकुमार यादव अपयशी ठरला. या सामन्यात तो 19 धावा काढून बाद झाला. त्याची खराब कामगिरी पाहता दुसऱ्या वनडेत मोठा बदल पाहायला मिळु शकतो. सूर्यकुमार यादव आतापर्यंत वनडे फॉरमॅटमध्ये आपली छाप सोडण्यात अपयशी ठरला आहे.

सूर्यकुमार यादवने आतापर्यंत 24 एकदिवसीय सामन्यांच्या 22 डावांमध्ये 23.79 च्या खराब सरासरीने 452 धावा केल्या आहेत. यादरम्यान त्याच्या बॅटमधून फक्त दोन अर्धशतके झळकली. गेल्या 11 डावांमध्ये सूर्यकुमार यादवला एकही अर्धशतक झळकावता आलेले नाही.

सूर्यकुमार यादवच्या जागी दुसऱ्या वनडेत यष्टिरक्षक फलंदाज संजू सॅमसनला चौथ्या क्रमांकावर संधी मिळू शकते. संजू सॅमसनने टीम इंडियासाठी वनडे क्रिकेटमध्ये आतापर्यंत केवळ 11 सामने खेळले आहेत. यादरम्यान त्याने 66 च्या सरासरीने आणि 104.76 च्या स्ट्राईक रेटने 330 धावा केल्या आहेत. अशा स्थितीत सूर्यकुमार यादव यांच्या जागी ते सर्वात मोठे दावेदार आहेत.

दुसऱ्या वनडेसाठी भारताच्या संभाव्य प्लेइंग 11: रोहित शर्मा (कर्णधार), शुभमन गिल, विराट कोहली, इशान किशन (यष्टीरक्षक), हार्दिक पंड्या, संजू सॅमसन, रवींद्र जडेजा, कुलदीप यादव, शार्दुल ठाकूर, जयदेव उनाडकट आणि मुकेश कुमार