Rohit Sharma IND vs SA 2022 : दक्षिण आफ्रिकेविरुद्धच्या तिसऱ्या टी-20 सामन्यात भारतीय संघाला 49 धावांनी पराभवाला सामोरे जावे लागले. मात्र भारतीय संघाने पहिले दोन सामने जिंकून मालिका 2-1 अशी जिंकली आहे. दक्षिण आफ्रिकेने तिसऱ्या टी-20 सामन्यात भारतासमोर विजयासाठी 20 षटकांत 228 धावांचे लक्ष्य ठेवले होते, परंतु टीम इंडिया 18.3 षटकांत केवळ 178 धावांवर आटोपली. भारताकडून दिनेश कार्तिकने 21 चेंडूत सर्वाधिक 46 धावांची खेळी केली.

दक्षिण आफ्रिकेच्या 227 धावांना प्रत्युत्तर देण्यासाठी फलंदाजीसाठी उतरलेल्या भारतीय संघाची सुरुवात खूपच खराब झाली. भारतीय कर्णधार रोहित शर्मा एकही धाव न करता कागिसो रबाडाच्या गोलंदाजीवर बाद झाला. भारतीय कर्णधार हा या फॉरमॅटमध्ये सर्वाधिक वेळा शून्यावर बाद होणारा खेळाडू ठरला आहे. रोहित शर्मा आंतरराष्ट्रीय सामन्यांमध्ये 4 वेळा एकही धाव न काढता कर्णधार म्हणून बाद झाला आहे. भारताचा माजी कर्णधार विराट कोहली दुसऱ्या तर शिखर धवन तिसऱ्या क्रमांकावर आहे.

कर्णधार म्हणुन विराट कोहली 3 वेळा एकही धाव न काढता बाद झाला आहे. शिखर धवन कर्णधार म्हणून एकदा शून्यावर धावा करून पॅव्हेलियनमध्ये परतला आहे. भारताचा माजी कर्णधार महेंद्रसिंग धोनीने टीम इंडियाचा कर्णधार म्हणून 62 डावात फलंदाजी केली, पण तो कधीही शून्यावर बाद झाला नाही.