नवी दिल्ली - भारताचा (India) क्रिकेटपटू पीयूष चावलाचे (Piyush Chawla) वडील प्रमोद चावला (Pramod chawla) यांचे कोरोनामुळे (Covid 19) निधन झाले आहे. गेल्या दहा दिवसांपासून त्यांच्यावर रुग्णालयात उपचार सुरु होते. सोमवारी सकाळी त्यांची प्राणज्योत मालवली. पीयूष चावलाने इन्स्टाग्रामवर वडिलांच्या निधनाची माहिती दिली. कोरोनाची लागण झाल्यानंतर प्रमोद चावला यांना मुरादाबाद यांच्या रुग्णालयात दाखल करण्यात आलं होतं. प्रकृती बिघडल्यानंतर त्यांना दिल्लीला (Delhi) रुग्णालयात हलवण्यात आले. मात्र तिथेही त्यांच्या प्रकृतीत सुधारणा झाली नाही. (indian cricketer piyush chawla father dies due to corona)

पीयूष चावलाने पोस्टमध्ये म्हटलं की,'मी माझा आधारस्तंभ गमावला आहे. आता त्यांच्याशिवाय आधीसारखं आयुष्य नसेल.'

पीयूष चावलाने इन्स्टाग्रामवर वडिलांच्या निधनानंतर दु:ख व्यक्त केलं. त्याने म्हटलं की, तुमच्याशिवाय आता आयुष्य पहिल्यासारखं नसेल. आज मी माझी ताकद हरवली आहे.

पीयूष चावलाच्या वडिलांच्या निधानानंतर मुंबई इंडियन्सच्या ट्विटर हँडलवरूनही श्रद्धांजली वाहण्यात आली आहे. पीयूष चावला इंडियन प्रीमियर लीगमध्ये मुंबई इंडियन्सकडून खेळतो. मुंबई इंडियन्सने म्हटलं की, 'आम्ही या कठीण काळात तुझ्यासह कुटुंबाच्या सोबत आहे.'