चेन्नई सुपर किंग्जने दिलेल्या 219 धावांचे टार्गेट चेस करताना मुंबई इंडियन्सच्या सलामीवीरांनी चांगली सुरुवात करुन दिली. क्विंटन डिकॉक आणि रोहित शर्मा यांनी पहिल्या विकेटसाठी 71 धावांची भागीदारी केली. रोहित शर्मा 24 चेंडूत 35 धावा करुन बाद झाल्यानंतर मैदानात उतरलेला सुर्यकुमार यादव अवघ्या 3 धावांची भर घालून चालता झाला. मोईन अलीने क्विंटन डिकॉकला बाद करत मुंबईला बॅकफूटवर ढकलले. पण त्यानंतर मैदानात उतरलेल्या पोलार्डने आपल्या भात्यातून अक्षरश: आग ओतली.
दिल्लीच्या मैदानात षटकारांची बरसात करत पोलार्डने यंदांच्या हंगामातील सर्वात जलद अर्धशतक पूर्ण केले. 17 चेंडूत त्याने अर्धशतकाला गवसणी घातली. 15 व्या षटकातील शार्दुल ठाकूरच्या चौथ्या चेंडूवर खणखणीत चौकार मारुन त्याने अर्धशतक पूर्ण केले. यापूर्वी पृथ्वी शॉने कोलकाता नाईट रायडर्स विरुद्धच्या सामन्यात 18 चेंडूत फिफ्टी केली होती.
आयपीएलच्या आतापर्यंतच्या इतिहासात सर्वात जलद अर्धशतक झळकवण्याचा विक्रम हा पंजाब किंग्जचा कॅप्टन लोकेश राहुलच्या नावे आहे. 2018 च्या हंगामात लोकेश राहुलने 14 चेंडूत 6 चौकार आणि 4 षटकाराच्या मदतीने अर्धशतक झळकावले होते. अरुण जेटली स्टेडियमवर चेन्नई सुपर किंग्जने दिलेल्या धावांचा पाठलाग करताना पोलार्डचा धमाका पाहायला मिळाला. कॅरेबियन गड्याने 17 चेंडूत 3 चौकार आणि 6 षटकाराच्या मदतीने अर्धशतक पूर्ण केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.