IPL 2024, Qualifier 2, SRH vs RR: इंडियन प्रीमियर लीग 2024 स्पर्धेतील क्वालिफायर-2 सामना शुक्रवारी (24 मे) पार पडला. सनरायझर्स हैदराबाद विरुद्ध राजस्थान रॉयल्स संघाता चेन्नईतील एमए चिदंबरम स्टेडियमवर हा सामना झाला, ज्यात पॅट कमिन्सच्या नेतृत्वातील सनरायझर्स हैदराबादने 36 धावांनी बाजी मारली.
त्यामुळे सनरायझर्स हैदराबादने अंतिम सामन्यात धडक मारली आहे. मात्र, राजस्थान रॉयल्सचे यंदाच्या हंगामातील आव्हान मात्र संपले, त्यामुळे त्यांची दुसऱ्यांदा विजेतेपद जिंकण्याची प्रतिक्षा आणखी लांबली आहे.
मात्र, राजस्थानच्या या पराभवाने त्यांचे चाहते चांगलेच निराश झाले आहेत. सध्या एका चाहतीचा रडतानाचा फोटोही सोशल मीडियावर व्हायरल होत आहे.
व्हायरल होत असेल्या या फोटोबद्दल सांगण्यात येत आहे की क्वालिफायर-२ सामना स्टेडियममध्ये गेलेल्या चाहतीला राजस्थान रॉयल्सला पराभूत झालेलं पाहून अश्रु आवरता आले नाहीत.
खरंतर राजस्थानने सुरुवात शानदार केली होती. त्यांनी पहिल्या 9 सामन्यांमधील तब्बल 8 सामने जिंकले होते. मात्र, त्यांनंतर त्यांना सलग 4 सामन्यांत पराभवाचा सामना करावा लागला. परंतु, सुरुवातीच्या चांगल्या कामगिरीमुळे त्यांनी पाँइंट्स टेबलमध्ये तिसरा क्रमांक मिळवत प्लेऑफमध्ये प्रवेश केला.
प्लेऑफमध्ये एलिमिनेटर सामन्यात राजस्थानने रॉयल चॅलेंजर्स बंगळुरू संघाला पराभूत करत क्वालिफायर-2 मध्ये स्थान मिळवले होते. परंतु, क्वालिफायर-2 मध्ये पराभव झाल्यानंतर राजस्थानला आता स्पर्धेतून बाहेर व्हावे लागले आहे.
क्वालिफायर-2 मध्ये राजस्थानने नाणेफक जिंकत प्रथम गोलंदाजी करण्याचा निर्णय घेतला होता. त्यामुळे हैदराबाद प्रथम फलंदाजीसाठी उतरले. हैदराबादने प्रथम फलंदाजी करताना 20 षटकात 9 बाद 175 धावा केल्या. हैदराबादकडून हेन्रिक क्लासेनने 34 चेंडूत 50 धावांची खेळी केली. तसेच राहुल त्रिपाठीने 37 आणि ट्रेविस हेडने 34 धावा केल्या.
राजस्थानकडून ट्रेंट बोल्ट आणि आवेश खान यांनी प्रत्येकी 3 विकेट्स घेतल्या. तसेच संदीप शर्माने 2 विकेट्स घेतल्या.
त्यानंतर 176 धावांच्या लक्ष्याचा पाठलाग करण्यासाठी उतरलेल्या राजस्थानला 20 षटकात 7 बाद 139 धावाच करता आल्या. राजस्थानकडून यशस्वी जैस्वालने 21 चेंडूत 42 धावांची खेळी केली. त्याबरोबर ध्रुव जुरेलने 35 चेंडूत नाबाद 56 धावांची झुंज दिली. मात्र अन्य कोणालाच खास काही करता आले नाही. त्यामुळे राजस्थानला पराभवाचा सामना करावा लागला.
सनरायझर्स हैदराबादकडून शाहबाज अहमदने सर्वाधिक 3 विकेट्स घेतल्या, तसेच अभिषेक शर्माने 2 विकेट्स घेतल्या, तर पॅट कमिन्स आणि टी नटराजन यांनी प्रत्येकी 1 विकेट घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.