Ajinkya Rahane CSK : भारतीय कसोटी संघाचा माजी उपकर्णधार अजिंक्य रहाणेला नुकतेच बीसीसीआयने केंद्रीय करारातून वगळले होते. आधी त्याचे उपकर्णधारपद गेले होते. त्यानंतर त्याला कसोटी संघातील स्थान गमवावे लागेले होते. इतकेच काय तर आयपीएलच्या लिलावात अनसोल्डचा शिक्काही बसला. मात्र या पठ्ठ्याने संधी मिळताच आपले सगळे हिशेब चुकते केले.

सीएसकेकडून आपली नवी आयपीएल इनिंग सुरू करणाऱ्या अजिंक्य रहाणेने मुंबई इंडियन्सविरूद्धच्या सामन्यात 19 चेंडूत अर्धशतकी खेळी करत हंगामातील सर्वात वेगवान अर्धशतक ठोकले. यापूर्वी ही कामगिरी जॉस बटलर आणि ऋतुराज गायकवाड यांनी केली होती. त्यांनी 20 चेंडूत हा कारनामा केला होता. मात्र अजिंक्यने तिसऱ्या क्रमांकावर फलंदाजीला येत 19 चेंडूतच अर्धशतकी धमाका केला.

मुंबई इंडियन्सच्या बेहरेनडॉर्फने पहिल्याच षटकात डेवॉन कॉन्वेला बाद करत सीएसकेला पहिला धक्का दिला होता. शुन्यावर पहिली विकेट गमावल्यानंतर हा सामना टाईट होणार असे वाटत होते. मात्र तिसऱ्या क्रमांकावर फलंदाजीला आलेल्या अजिंक्य रहाणेने बघता बघता मुंबईचीच हवा टाईट केली. अजिंक्य रहाणेने चौथ्या षटकात 6, 4, 4, 4, 4 असे तडाखे देत दमदार सुरूवात केली.

अजिंक्यने 19 षटकात अर्धशतकी मजल मारली होती. त्याने ऋतुराज गायकवाडसोबत दुसऱ्या विकेटसाठी 82 धावांची भागीदारी रचली. यात अजिंक्य रहाणे 27 चेंडूत 61 धावांचा वाटा होता. मात्र ही तुफानी खेळी पियुष चावलाने संपवली. रहाणेने आपल्या खेळीत 7 चौकार आणि 3 षटाकर मारले.

(Sports Latest News)

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत