आयपीएलचा 15 वा हंगाम (IPL 2022) सुरू होण्यास काही तासत शिल्लक राहिले आहेत. दरम्यान, यंदाच्या हंगामातील नवखा संघ गुजरात टायटन्सने (Gujarat Titans) आपले अँथम साँग (Anthem Song) आज रिलीज केले. डब शर्माचे गीत आणि गुजराती लोक कलाकार आदित्य गढवी यांचा आवाज या आवा दे अँथम साँगला लाभला आहे. या साँग द्वारे गुजराती संस्कृती आणि संघाच्या महत्वकांक्षा लोकासमोर ठेवण्यात आल्या आहे. या अँथम साँगची सुरूवात ही प्रसिद्ध कवी नर्मद यांच्या जय जय गरवी गुजरात ने होते.

गुजरात टायटन्सचे अँथम साँग (Gujarat Titans Anthem Song) तयार करणाऱ्या लोकांना विश्वास आहे की हे गाणे लोकांच्या पसंतीस उतरले. गुजराती लोक कलाकार आदित्य गढवी यांनी सांगितले की, 'गुजरात टायटन्ससाठी हे गाणे गायचे होते त्यावेळी या माध्यामातून गुजरातची उर्जा, चारित्र्य आणि ओळख लोकांपर्यंत पोहचवता येईल असे मला वाटले. मी एक धुन निवडली ही धुन राज्याची ओळख जगासमोर आणेल अशी आशा होती. गुजारात टायटन्समधील सर्वांना हे अँथम साँग आवडल्याचा मला आनंद आहे. ज्यावेळी मैदानात संघ खेळेल त्यावेळी हे अँथम साँगचा आवाज मैदानात घुमू लागले. यामुळे गजरात टायटन्सच्या संघात उत्साह येईल.'

गुजरात टायटन्सने सोशल मीडियावर हे अँथम साँग लाँच केल्या केल्या यावर चाहत्यांच्या उड्या पडत आहेत. या गाण्याला काही मिनिटातच हजारो लोकांनी आपली पसंती दिली आहे. गुजारात टायटन्स पहिल्यांदाच आयपीएलमध्ये खेळणार आहे. यंदाच्या हंगामात 8 ऐवजी 10 संघांचा समावेश असणार आहे. गुजरात टायटन्स आणि लखनौ सुपर जायंट हे दोन नवे संघ यंदा जुन्या आठ संघांना आव्हान देणार आहेत.