Hardik Pandya hugs Ritika Sajdeh : आयपीएल 2024 पूर्वी मुंबई इंडियन्सने रोहित शर्माला कर्णधारपदावरून हटवल्यानंतर सोशल मीडियावर बराच गदारोळ झाला होता. संघाला पाच वेळा चॅम्पियन बनवणाऱ्या रोहित शर्माच्या जागी फ्रेंचायझीने हार्दिक पांड्याला कर्णधार बनवले.

त्यावेळी मुंबई इंडियन्सच्या कर्णधारपदावरून रोहित शर्माला हटवल्यानंतर पत्नी रितिका सजदेहने सोशल मीडिया पोस्टवर कमेंट करून आपली नाराजी व्यक्त केली होती. त्या दिवसापासुन चाहतेही हार्दिकला सतत ट्रोल करत आहेत. काल सामन्यादरम्यान नरेंद्र मोदी स्टेडियमवर हार्दिक विरोधात जोरदार घोषणाबाजी करण्यात आली.

दरम्यान, भारतात सोमवारी रंगांचा सण होळी साजरी करण्यात येत आहे. भारतीय खेळाडूंसोबत आयपीएल खेळण्यासाठी भारतात आलेल्या परदेशी खेळाडूंनीही उत्साहात होळी खेळून एकमेकांना रंग लावत आहे. यावेळी रोहित शर्माने एक व्हिडिओ शेअर केला आहे, ज्यामध्ये तो पत्नी आणि मुलीसोबत होळी खेळत आहे. पण यासोबत सोशल मीडियावर एक व्हिडिओ व्हायरल होत आहे. ज्यामध्ये हार्दिक पांड्या रोहितची पत्नी रितिका सजदेहला मिठी मारताना दिसला.

मुंबई इंडियन्सला पहिल्या सामन्यात गुजरात टायटन्सकडून पराभव पत्करावा लागला होता, त्यानंतर मुंबईचे चाहते हार्दिकच्या कर्णधारपदावर प्रश्न उपस्थित करत आहेत. त्याच्या नेतृत्वाखाली फक्त एकच सामना खेळला गेला असला तरी रोहितला कर्णधारपदावरून हटवल्याने चाहते आधीच संतापले होते.

नरेंद्र मोदी स्टेडियमचा एक व्हिडिओही व्हायरल होत होता. ज्यामध्ये हार्दिकचे आणि रोहितचे चाहते भिडले होते. दोन्ही खेळाडूंचे चाहते एकमेकांच्या विरोधात असण्याची शक्यता आहे परंतु खेळाडूंमध्ये असे काहीही दिसत नाही. दोघांचीही कुटुंबे एकमेकांसारखी आहेत आणि सामना संपल्यानंतर हार्दिकनेही रोहितला मिठी मारली.