IPL 2021 RR vs PBKS: पंजाब संघाविरूद्ध राजस्थानने शेवटच्या षटकात चित्तथरारक विजय मिळवला. राजस्थानच्या संघाने प्रथम फलंदाजी करताना १८५ धावांपर्यंत मजल मारली. या आव्हानाचा पाठलाग करताना लोकेश राहुल आणि मयंक अग्रवाल यांनी शतकी सलामी दिली होती. पण ते दोघे बाद झाल्यावर सामना शेवटच्या षटकापर्यंत रंगला आणि अखेर २० वर्षांच्या कार्तिक त्यागीने शेवटच्या चेंडूवर राजस्थानला सामना जिंकवून दिला. या विजयासह राजस्थानने सातव्या स्थानावरून पाचव्या स्थानी झेप घेतली.

पाहा IPL 2021 Points Table-

संघ - सामने - विजय - गुण

चेन्नई - ८ - ६ - १२

दिल्ली - ८ - ६ - १२

बंगळुरू - ८ - ५ - १०

मुंबई - ८ - ४ - ०८

----------------------------

राजस्थान - ८ - ४ - ०८

कोलकाता - ८ - ३ - ०६

पंजाब - ८ - ३ - ०६

हैदराबाद - ७ - १ - ०२

असा रंगला सामना

राजस्थानने प्रथम फलंदाजी करताना सर्वबाद १८५ धावा केल्या. सलामीवीर एव्हिन लुईस (३६) आणि यशस्वी जैस्वाल (४९) यांनी संघाला चांगली सुरूवात करून दिली. महिपाल लॉमरॉरने तुफान फटकेबाजी करत १७ चेंडूत ४३ धावा कुटल्या. १८६ धावांच्या आव्हानाचा पाठलाग करताना पंजाबचे सलामीवीर राहुल (४९) आणि मयंक अग्रवाल (६७) यांनी १२० धावांची भागीदारी केली. हे दोघे बाद झाल्यावर निकोलस पूरनने (३२) फटकेबाजी केली. एडन मार्क्रमही दमदार फलंदाजी करत होता, पण शेवटच्या दोन षटकात त्याला फारशी फलंदाजी मिळाली नाही. परिणामी शेवटच्या षटकात ४ धावांची गरज असूनही पंजाबला त्या धावा जमवता आल्या नाहीत. कार्तिक त्यागीने शेवटच्या षटकात केवळ १ धाव देत राजस्थानला थरारक विजय मिळवून दिला.