आयपीएलचा दोन दिवसाचा मेगा लिलाव (IPL 2022 Auction) बंगळुरूमध्ये पार पडला. या लिलावात आयपीएल इतिहासातील यशस्वी संघापैकी एक चेन्नई सुपर किंग्जने (Chennai Super Kings) आपल्या जुन्या संघातील रिटेन न करू शकलेल्या खेळाडूंसाठी मोठी बोली लावली. सीएसकेने जुन्या संघातील बऱ्याच खेळाडूंना यंदाच्या लिलावात पुन्हा आपल्या गोटात खेचण्यात यश मिळवले. सीएसकेच्या या रणनीतीची (Auction Strategy) भारताचा माजी सलामीवीर विरेंद्र सेहवागने (Virender Sehwag) आपल्या खास अंदाजात चेष्टा केली. (Virender Sehwag Take a Dig on Chennai Super Kings Auction Strategy)

विरेंद्र सेहवागने आमीर खान, आर. माधवन, शर्मन जोशी आणि करिना कपूर यांच्या गाजलेला 3 इडियट्स (3 idiots)चित्रपटातील एक मीम (Meme) शेअर करत सीएसकेची लिलाव रणनीती काय होती हे सांगितले. या मीममध्ये या चित्रपटातील प्रसिद्ध गाणे 'जाने नही देंगे तुझे' या गाण्यातील ओळी लिहिल्या आहेत. यात आमीर खानचा स्कूटी चालवतानाचा फोटो देखील आहे. याचबरोबर सेहवागने #Loyalty हा देखील वापरला आहे.

चेन्नई सुपर किंग्जने यंदाच्या लिलावात अंबाती रायुडू, रॉबिन उथप्पा, ड्वेन ब्राव्हो यासारख्या आपल्या जुन्या आणि अनुभवी खेळाडूंना पुन्हा विकत घेतले. त्यांनी आपले जुने सहकारी फाफ ड्युप्लेसिस आणि शार्दुल ठाकूरसाठी देखील बोली लावण्याचा प्रयत्न केला. मात्र ते दोघेही सीएसकेच्या बजेटच्या बाहेर गेले.