आयपीएल ही जगातील सर्वात मोठी क्रिकेट लीग आहे. दरवर्षी क्रिकेट जगतातील सर्वात दिग्गज खेळाडू आयपीएल खेळायला येतात. आयपीएलमध्ये खेळणाऱ्या खेळाडूंवर करोडो रुपये खर्च केले जातात. पण आयपीएल विजेतेपद पटकावणाऱ्या संघाला किती बक्षीस रक्कम दिली जाते हे तुम्हाला माहिती आहे का? आयपीएल 2022 मध्ये कोणत्या क्रमांकाच्या संघाला किती रक्कम मिळणार.(IPL 2022 Winner Prize Money)

आयपीएल 2022 चा अंतिम सामना गुजरात टायटन्स आणि राजस्थान रॉयल्स यांच्यात खेळला जाणार आहे. या सामन्यातील विजेत्या संघाला 20 कोटी रुपयांची बक्षीस रक्कम दिली जाणार आहे. जगभरात खेळल्या जाणार्‍या वेगवेगळ्या टी-20 लीगमध्ये हे रक्कम सर्वाधिक आहे. अंतिम फेरीत पराभूत होणाऱ्या संघाला 13 कोटी रुपये दिले जातील, गेल्या वर्षी ही रक्कम 12.5 कोटी रुपये होती. IPL 2022 मध्ये तिसऱ्या आणि चौथ्या स्थानावर असलेल्या संघांना 7-7 कोटी रुपये देखील दिले जातील.

एवढी बक्षीस रक्कम जगभरात खेळल्या जाणार्‍या कोणत्याही वेगवेगळ्या T20 लीगमध्ये दिली जात नाही. आयपीएल नंतर कॅरेबियन प्रीमियर लीगमध्ये सर्वाधिक बक्षीस रक्कम आहे. कॅरेबियन प्रीमियर लीगचे विजेतेपद जिंकणाऱ्या संघाला 7.5 कोटी रुपये दिले जातात. दुसरीकडे पाकिस्तान सुपर लीग पेक्षा बांगलादेश प्रीमियर लीगमध्ये अधिक बक्षीस रक्कम दिली जाते. बांगलादेश प्रीमियर लीगमध्ये 6.34 कोटी रुपये आणि पाकिस्तान सुपर लीगमध्ये 3.73 कोटी रुपयांची बक्षीस रक्कम आहे.

आयपीएल ही जगातील सर्वाधिक पाहिली जाणारी क्रिकेट लीग आहे. आयपीएलच्या पहिल्या सत्रात 2008 मध्ये फायनल जिंकणाऱ्या संघाला 4.8 कोटी रुपये मिळाले होते. ही बक्षीस रक्कम आता जवळपास चौपट वाढली आहे. गतवर्षी जेतेपद पटकावणाऱ्या चेन्नई सुपर किंग्जला 20 कोटी रुपये देण्यात आले होते, यंदाही ही बक्षीस रक्कम तशीच ठेवण्यात आली आहे.