IPL 2024 Auction : आयपीएल 2024 मिनी लिलावात सोलापूरचा डावखुरा फलंदाज अर्शीन कुलकर्णी सोल्ड झाला आहे. त्याला लखनौ सुपर जायंट्सने बेस प्राईस 20 लाखाला खरेदी करत आपल्या संघात घेतलं. अर्शीनने 19 वर्षाखालील आशिया कपमध्ये भारतीय संघाचे प्रतिनिधित्व केलं होतं.

दुबईत झालेल्या 19 वर्षाखालील आशिया कप स्पर्धेत भारताकडून खेळताना अर्शीन कुलकर्णीने दमदार कामगिरी केली. त्याने अफगाणिस्तानविरूद्धच्या सामन्यात 3 विकेट्स आणि अर्धशतक ठोकत अष्टपैलू कामगिरी देखील केली. नेपाळविरूद्ध नाबाद 43 धावा केल्या.

आयपीएल 2024 च्या लिलावात उत्तर प्रदेशच्या 20 वर्षाच्या अनकॅप्ड समीर रिझवीला सर्वाधिक बोली लागली आहे. त्याला सीएसकेने 8.40 कोटी रूपये देऊन घेतले. त्याची बेस प्राईस 2 लाख होती. तर शाहरूख खानला गुजरात टायटन्सने 7.40 कोटी रूपये खर्चून आपल्या गोटात खेचले.