IPL 2024 Rohit Sharma CSK MS Dhoni : आयपीएलचा 17 वा हंगाम येत्या 22 मार्चपासून सुरू होणार आहे. पहिलाच सामना हा चेन्नई सुपर किंग्ज आणि रॉयल चॅलेंजर बेंगलोर यांच्यात होणार आहे. हंगामाला सुरूवाते होण्यापूर्वी चेन्नई सुपर किंग्जचा माजी खेळाडू अंबाती रायुडूने एक मुलाखत दिली.

ही मुलाखत रायुडूच्या अनेक वक्तव्यांमुळे सध्या प्रकाश झोतात आहे. त्याने मुंबईचा माजी कर्णधार रोहित शर्माबाबत काही मोठी वक्तव्ये केली. रायुडू हा मुंबई इंडियन्सकडून देखील खेळला आहे.

अंबाती रायुडूने न्यूज 24 ला दिलेल्या मुलाखतीत सांगितले की पांड्याला मुंबई इंडियन्स संघाचे नेतृत्व करणे अवघड जाणार आहे. कारण मुंबई इंडियन्सचा सेटअप आणि गुजरातचा संघ यांच्यात मोठा परक आहे. पांड्याने आधी एक वर्ष मुंबईकडून खेळलायला हवं होतं मग कॅप्टन्सी करायला हवी होती.

रायुडू म्हणाला की, 'रोहित शर्मा अजून 5 ते 6 वर्षे आयपीएल खेळू शकतो. त्याला जर कर्णधार व्हायच असेल तर त्याच्यासाठी संपूर्ण जग खुलं असेल. तो पाहिजे त्या संघाचा कर्णधार होऊ शकतो.'

रायुडू रोहितबद्दल पुढे म्हणाला की, 'मला वाटते की रोहितने 2025 ची आयपीएल चेन्नई सुपर किंग्जकडून खेळावी. जर धोनी निवृत्त झाला तर रोहित संघाचे नेतृत्व देखील करू शकतो.'

रोहित शर्मा हा आयपीएलमध्ये सर्वाधिक धावा करणाऱ्यांच्या यादीत चौथ्या क्रमांकावर आहे. त्याने 243 सामन्यात 6211 धावा केल्या आहेत. यंदाच्या हंगामात मुंबई इंडियन्स ही 24 मार्चला गुजरात टायटन्सशी भिडणार आहे.

(Cricket News In Marathi)