रॉयल चॅलेंजर्स बंगलोरने आयपीएल 2022 च्या एलिमिनेटर सामन्यात लखनौचा 14 धावांनी पराभव करत क्वालिफायर 2 मध्ये प्रवेश केला आहे. आयपीएलच्या एलिमनेटर सामन्यात पावसामुळे नाणेफेकीस उशीर झाला. नाणेफेक जिंकून लखनौ सुपर जायंटने प्रथम गोलंदाजी करण्याचा निर्णय घेतला. प्रथम फलंदाजी करताना बंगळुरूने 4 बाद 207 धावा केल्या. प्रत्युत्तरात लखनौच्या संघाला 20 षटकांत 6 गडी गमावून 193 धावाच करता आल्या. केएल राहुलचा संघ 14 धावा दूर राहिला. (kl rahul trolled after scoring slow fifty)

रजत पाटीदारने कारकिर्दीतील पहिले शतक केले. त्याने फक्त 54 चेंडूत 112 धावांची नाबाद खेळी करत विजयाचा हिरो ठरला. या विजयासह बंगळुरूने क्वालिफायर 2 मध्ये प्रवेश केला आहे. पुढाचा सामना त्यांचा 27 मे रोजी राजस्थान रॉयल्सशी होणार आहे.

कालच्या सामन्यात कर्णधार केएल राहुलने लखनौसाठी पुन्हा एकदा चांगली फलंदाजी केली. केएल राहुल बाद होण्यापूर्वी 58 चेंडूत 79 धावा केल्या होत्या. यादरम्यान त्याचा स्ट्राइक रेट केवळ 136 होता, यावरून आता चाहते अनेक प्रश्न उपस्थित करत आहेत. एवढेच नाही तर संघ 208 धावांचा पाठलाग करत असताना राहुलने संथ गतीने खेळत 43 चेंडूत अर्धशतक पूर्ण केले.

केएल राहुलची गाडी सुरुवातीला ज्या संथ गतीने धावत होती तेच शेवटी लखनौच्या पराभवाचे कारण ठरले. त्यामुळे सोशल मीडियावर चाहते त्याला वेगवेगळ्या प्रकारे ट्रोल करत आहेत. एका चाहत्याने तर सांगितले की तो प्रत्येक हंगामात फक्त ऑरेंज कॅपसाठी खेळतो. एका चाहत्याने राहुलची खिल्ली उडवली आणि त्याचा फोटो शेअर करत लिहिले, या हंगामात 600 धावा केल्या, खूप आनंद झाला. हार और जीत लगी रहती है।