Mumbai Indians Playing 11 : सालाबाद प्रमाणे मुंबई इंडियन्सने आयपीएल हंगामाची आपली सुरूवात पराभवाने केली. सलग दोन पराभव झाल्यानंतर मुंबई इंडियन्सने जोरदार मुसंडी मारत गुणतालिकेत सहावे स्थान गाठले आहे. त्यांनी दिल्ली कॅपिटल्स, कोलकाता नाईट रायडर्स आणि सनराईजर्स हैदराबाद या तीन संघाचा सलग पराभव करत विजयाची हॅट्ट्रिक साजरी केली होती.

गेल्या काही सामन्यात रोहित शर्मा, इशान किशन, टीम डेव्हिड आणि कॅमरून ग्रीन यांनी चांगली कामगिरी करत संघाच्या विजयात योगदान दिले. मात्र मुंबईसाठी मधल्या फळीतील एक फलंदाज डोकेदुखी ठरत आहे. भारताचा 360 प्लेअर म्हणून ओळख असलेल्या सूर्यकुमार यादव एक खेळीचा अपवाद वगळता फारशी चमक दाखवू शकलेला नाही.

गोलंदाजीबद्दल बोलायचं झालं तर मुंबई इंडियन्स गेल्या काही सामन्यात त्यांचे मुख्य अस्त्र जोफ्रा आर्चरविनाच खेळत आहे. यंदाच्या हंगामात मुंबईचा पहिला सामना आरसीबी बरोबर झाला. या सामन्यात जोफ्रा आर्चर खेळला होता. त्यानंतर मुंबईने तो दुखापतग्रस्त होऊ नये म्हणून विश्रांती दिली आहे. आजच्या सामन्यात जोफ्रा आर्चर खेळणार की नाही याबाबत प्रश्नचिन्ह आहे. जर तो आजच्या सामन्यात खेळला तर तो कोणाच्या जागी संघात येईल. हाही प्रश्नच आहे. कारण अर्जुन तेंडुलकर आणि जेसन बेहरनडॉर्फ दोघेही चांगली गोलंदाजी करत आहेत.

पहिला सामना वगळला तर इतर सामन्यात मुंबईकडून उजव्या हाताचा वेगवान गोलंदाज खेळलेला नाही. जोफ्रा आर्चर सध्या संघासोबत सराव करत आहे. मात्र तो अजून झोकून देऊन सराव करत नाहीये. युवा अर्जुन तेंडुलकरने आपल्या आयपीएलची सुरूवात प्रभावीपणे केली आहे. त्याने हैदराबादविरूद्धच्या सामन्यात 20 धावांची गरज असताना शेवटचे षटक प्रभावीपणे टाकले. यामुळे त्याचे मनोबल वाढले असेल.

मुंबई इंडियन्सची प्लेईंग 11 :

रोहित शर्मा, इशान किशन, सूर्यकुमार यादव, कॅमरून ग्रीन, तिलक वर्मा, टीम डेव्हिड, अर्जुन तेंडुलकर, नेहाल वधेरा, ऋतिक शौकीन, पियुष चावला, जेसन बेहरनडॉर्फ

(Sports Latest News)