Suryakumar Yadav Tilak Varma Prank : आयपीएलच्या 16 व्या हंगामाची मुंबई इंडियन्सने अडखळती सुरूवात केली होती. मात्र मुंबईने लीग स्टेजमधील शेवटच्या दिवशी प्ले ऑफ गाठली अन् आता एलिमिनेटर सामन्यात लखनौचा तब्बल 81 धावांनी पराभव करत फायनलच्या दिशेने एक पाऊल पुढे देखील टाकले.
मुंबईने लखनौविरूद्ध प्रथम फलंदाजी करताना 20 षटकात 8 बाद 182 धावा केल्या होत्या. त्यानंतर लखनौला 101 धावात गुंडाळत सामना 81 धावांनी जिंकला. आकाश माधवालने 3.3 षटकात 5 धावा देत 5 विकेट्स घेतल्या. तो मुंबईचा स्टार परफॉर्मर ठरला.
दरम्यान, या विजयानंतर खूष असणारी मुंबई इंडियन्सची टीम क्वालिफायर 2 सामन्यासाठी चेन्नईहून अहमदाबादला रवाना झाली. दुसऱ्या क्वालिफायर सामन्यात मुंबई इंडियन्स गुजरात टायटन्सशी भिडणार आहे. मात्र या सामन्यापूर्वी मुंबईचा स्टार खेळाडू सूर्यकुमार यादव भलत्याच मूडमध्ये होता. त्याने विमानात झोपा काढणाऱ्या तिलक वर्माची चांगलीच गंमत केली.
सूर्याने तोंड उघडे ठेऊन झोपणाऱ्या तिलक वर्माच्या तोंडात लिंबूचा रस टाकला. यामुळे तिलक वर्मा झोपेतून जागा झाला अन् यात काय होतं असं विचरालं.
सामन्याबद्दल बोलायचं झालं तर उत्तराखंडचा इंजिनियर आकाश माधवालने आपला आयपीएलमधला स्वप्नवत स्पेल टाकला. त्याने 5 धावात 5 विकेट्स घेत मुंबईला क्वालिफायर 2 मध्ये प्रवेश मिळवून दिला. रोहित शर्माच्या नेतृत्वाखालील मुंबई इंडियन्स शुक्रवारी 26 मे रोजी गुजरातशी दोन हात करणार आहेत. या सामन्यातील विजेता चेन्नई सुपर किंग्जसोबत रविवारी ट्रॉफीसाठी भिडेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.