आयपीएलच्या 15 व्या हंगामात 10 संघ मैदानात उतरणार आहेत. कोणत्या संघाकडून कोण खेळणार हे दोन दिवसीय मेगा लिलावानंतर (IPL Mega Auction 2022) समोर येणार आहे. बंगळुरुमध्ये मेगा लिलावाची जय्यत तयारी झाली असताना पंजाब किंग्जची मालकीण प्रिती झिंटा (Preity Zinta) हिने खास पोस्ट शेअर केली आहे. तिने आपल्या लेकीसोबतचा एक फोटो शेअर केलाय. यासोबत तिने एक मेसेजही लिहिलाय.
टाटा आयपीएल लिलाव (Tata IPL Auction) पाहण्याची सर्व तयारी झाली आहे. छोट्या चिमुकलीला कवेत घेऊन आयपीएलच्या लिलावाची साक्षीदार होणार असल्याचा उल्लेख तिने आपल्या ट्विटमध्ये केलाय. पंजाबचा नवा संघ पाहण्यासाठी आता आणखी वाट पाहू शकत नाही. ठरल्याप्रमाणे प्लॅन अंमलात आणा, असा संदेशही तिने आपल्या संघाचे लिलावात प्रतिनिधीत्व करताना दिला आहे.
आयपीएलच्या लिलावावेळी प्रिती झिंटा नेहमीच टेबलवर उपस्थितीत असते. मात्र तिने जो फोटो शेअर केलाय त्यात ती आपल्या घरामध्ये दिसते. या फोटोवरून ती यंदाच्या मेगा लिलावात टेबलवर दिसणार नाही, याचे संकेत मिळतात. तिच्याशिवाय पंजाब किंग्जच्या टेबलवर कोण कोण असणार हे पाहावे लागेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.