Ishan Kishan Rahul Dravid : भारत आणि इंग्लंड यांच्यातील दोन कसोटी सामन्यांसाठी भारतीय संघाची घोषणा झाली आहे. या संघात इशान किशनला संधी देण्यात आलेली नाही. अफगाणिस्तानविरूद्धच्या टी 20 मालिकेपाठोपाठ इंग्लंडविरूद्धच्या कसोटी मालिकेसाठी देखील इशान किशनला संधी न मिळाल्याने त्याच्यावर शिस्तभंगाची कारवाई झाली आहे अशी चर्चा सुरू झाली.

संघाचे प्रशिक्षक राहुल द्रविड यांनी इशानवर शिस्तभंगाची कारवाई झाली नसल्याचे सांगत त्याने मानसिक थकवा आल्याने ब्रेक मागितला होता. त्याने फिट झाल्यावर देशांतर्गत क्रिकेट खेळून संघात परतावे असा सल्ला देखील द्रविडने दिला होता.

त्यानंतर इशान किशन झारखंडच्या संघाकडून रणजी ट्रॉफी सामने खेळेल असे वाटले होते. मात्र इशान किशन सर्व्हिसेसविरूद्धच्या सामन्यात देखील खेळणार नाहीये. त्याने सलग तीन रणजी ट्रॉफी सामने मिस केले आहे. त्याने इंग्लंडविरूद्धच्या 5 कसोटी सामन्यांच्या मालिकेपूर्वी लाल चेंडूवरील सरावाची उत्तम संधी गमावली आहे.

इशान किशनला इंग्लंडविरूद्धच्या पहिल्या दोन कसोटी सामन्यांसाठी संधी मिळाली नाही. त्यानंतर इशान किशन आणि संघ व्यवस्थापनामध्ये दुरावा निर्माण झाल्याची चर्चा सुरू झाली. दरम्यान, संघात केएस भरत, ध्रुव जुरेल आणि केएल राहुल असे तीन विकेटकिपर निवडण्यात आले.

दरम्यान, इंडियन एक्सप्रेसने दिलेल्या वृत्तानुसार इशान किशनवर शिस्तभंगाची कारवाई करण्यात आली आहे. त्यामुळेच त्याला संघातून बाहेरचा रस्ता दाखवण्यात आला आहे. त्याने मानसिक थकवा आल्याचे सांगत ब्रेक घेतला आणि तो दुबईत पार्टी करताना दिसला होता.

राहुल द्रविडने मात्र हे वृत्त खोडून काढलं आहे. राहुल द्रविडच्या अफगाणिस्तानविरूद्धच्या टी 20 मालिकेदरम्यान झालेल्या पत्रकार परिषदेनंतर इशान किशनने सराव करण्यास देखील सुरूवात केली होती.

(Sports Latest News)