IPL 2023 Auction Adil Rashid in SunRisers Hyderabad : IPL 2023 च्या मिनी लिलावाची चर्चा जोरात सुरू आहे. फलंदाजांसोबतच गोलंदाजांवरही फ्रँचायझी खूप पैसा खर्च करत आहे. भारतात खेळल्या जाणाऱ्या आयपीएलमध्ये फिरकी गोलंदाजांचे वर्चस्व असते. 16व्या हंगामासंदर्भात कोचीमध्ये 87 खेळाडूंच्या भवितव्याचा फैसला होत आहे. दुसरीकडे इंग्लंडचा अव्वल दर्जाचा लेग स्पिनर आदिल रशीदला सनराईजर्स हैदराबादने 2 कोटींनी खरेदी करत आपल्या कळपात सामील करून घेतले. राशीद स्वस्तात हाताला लागल्याने काव्या मारची कळी खुलली होती.

आदिल रशीदच्या टी-20 विश्वचषक 2022 मधील कामगिरीवर नजर टाकली तर या खेळाडूने खूप प्रभावित केले आहे. आदिल रशीदने सर्व सामन्यांमध्ये त्याच्या कोट्यातील पूर्ण 4 षटके टाकली, यादरम्यान विरोधी फलंदाज आदिल रशीदविरुद्ध केवळ 6.12 च्या इकॉनॉमीसह धावा करू शकले. त्यामुळे हैदराबाद संघाने या खेळाडूला खरेदी केले. सर्वोत्कृष्ट फिरकीपटूंच्या यादीत आदिल रशीदचा समावेश आहे. तो इंग्लंडकडून तिन्ही फॉरमॅटमध्ये खेळणारा खेळाडू आहे. रशीद याआधी पंजाब किंग्जकडून खेळला आहे.

2022 चा टी-20 विश्वचषक इंग्लंडने जिंकला. त्याचबरोबर इंग्लंडचा लेगस्पिनर आदिल रशीदने या स्पर्धेत चांगलीच छाप पाडली. आदिल इंग्लंडकडून क्रिकेटच्या तिन्ही फॉरमॅटमध्ये खेळला आहे. त्याने 19 कसोटी सामन्यांमध्ये 60 विकेट घेतल्या आहेत. तर टी-20 93 आणि ODI मध्ये 169 विकेट घेण्यात यश आले आहे. अशा परिस्थितीत आयपीएलचा कोणताही फलंदाज या गोलंदाजाला हलके घेऊ इच्छित नाही.