महाराष्ट्र केसरी 2020 : पुणे : ''कुस्ती हा महाराष्ट्राचा पारंपरिक खेळ आहे. आपल्याकडचे अनेक खेळाडू ऑलिंपिकमध्ये चमकू शकतात; पण त्यांच्या पाठीशी शक्ती उभी राहिली नाही.
महाराष्ट्र केसरीची स्पर्धा ही ऑलिंपिकसाठी खेळाडू शोधण्याची मोहीम आहे. इथे जे गुणवंत खेळाडू सापडतील त्यांच्या पाठीशी आम्ही उभे राहू,'' असे महाराष्ट्र केसरी कुस्ती अधिवेशनाचे संयोजक उद्योगपती अनिरुद्ध देशपांडे यांनी 'सकाळ'शी बोलताना सांगितले.
देशपांडे म्हणाले, ''मला तशी कुस्तीबद्दल फारशी ओढ नव्हती; पण दोन वर्षांपूर्वी भूगावला महाराष्ट्र केसरीच्या स्पर्धा बघायला गेलो, तेव्हा आखाड्यात पैलवान लढत असताना बघायला आलेले प्रेक्षक त्यांना ज्या पद्धतीने प्रतिसाद देत होते, त्यांचे कौतुक करत होते, ते पाहून इथल्या माणसांच्या नसानसांत कुस्ती भिनलेली आहे, हे मला जाणवले.
कुस्ती गावोगावी आहे. कुस्ती आवडणारा माणूस घराघरात आहे. पण, खेळाडूंना आंतरराष्ट्रीय पातळीवर जेवढे यश मिळायला हवे तेवढे मिळत नाही. महाराष्ट्रातील खेडोपाड्यांतून कष्टकऱ्यांची पोरं कुस्तीत करिअर करण्यासाठी झगडत आहेत. त्यांना ऑलिंपिकपर्यंत पोचविण्यासाठी आम्ही कुस्ती स्पर्धा आयोजित केली आहे. आम्ही या स्पर्धेतून जागतिक पातळीवर लढतील अशा खेळाडूंची निवड करून त्यांच्या सर्व खर्चाची जबाबदारी घेणार आहोत.''
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.