सातारा : साताऱ्यात सुरू असलेल्या महाराष्ट्र केसरी (Maharashtra Kesari) स्पर्धेत अजून एक प्रबळ दावेदार चितपट झाला. महाराष्ट्र केसरी बाळा रफिक शेखचा (Bala Rafik Shaikh) मुंबई पूर्वचा खेळाडू विशान बनकरने एकतर्फी पराभव केला. विशाल बनरकरने बाळा रफिकचा 13 - 3 अशा गुणफरकाने पराभव केला.

यापूर्वी, साताऱ्याच्या किरण भगतचं (Kiran Bhagat) महाराष्ट्र केसरी कुस्ती स्पर्धेतलं आव्हान पहिल्याच फेरीत संपुष्टात आलंय. महाराष्ट्र केसरीच्या माती विभागात गोंदियाच्या वेताळ शेळकेनं किरण भगतला ४-३ असं एका गुणानं हरवून खळबळजनक निकालाची नोंद केली. २०१७ साली महाराष्ट्र केसरीचा उपविजेता ठरलेल्या किरणकडून यंदा मोठ्या कामगिरीची अपेक्षा होती. कारण, महाराष्ट्र केसरीचं आयोजन त्याच्या मायभूमीत साताऱ्यात करण्यात आलं आहे.

वातावरणात उन्हाचा तडाखा वाढल्यामुळं साताऱ्यात (Satara) सुरू असलेल्या महाराष्ट्र केसरी कुस्ती (Maharashtra Kesari) स्पर्धेतील आजपासून (गुरुवार) सकाळच्या सत्रात होणाऱ्या सर्व लढती रद्द करण्यात आल्या आहेत. हा निर्णय महाराष्ट्र कुस्ती परिषदेनं (Maharashtra Wrestling Council) घेतला आहे.