Malaysia Open : भारताची दोन वेळची ऑलिम्पिक पदक विजेती पी. व्ही. सिंधूने (P V Sindhu) थायलंडच्या चैंवागचा पराभव करत मलेशिया ओपनची (Malaysia Open) उपांत्यपूर्व फेरी (Quarterfinals) गाठली. जागतिक क्रमवारीत 7 स्थानावर असलेल्या सिंधूने थायलंडच्या बॅडमिंटनपटूचा (Badminton) 19-21, 21-09, 21-14 असा तीन गेममध्ये पराभव केला. हा सामना 57 मिनिटे चालला. आता पी. व्ही. सिंधूचा सामना तैवानच्या ताइ यिंग सोबत होणार आहे.
सिंधू सोबतच भारताच्या एस. एच. प्रणॉयने (HS Prannoy) देखील उपांत्यपूर्व फेरी गाठली. त्याने तैवानच्या चौथ्या सिडेड चोऊ चानचा 21-15, 21-7 असा सहज पराभव केला. थॉमस कप विजयात मोठा वाटा उचलणारा प्रणॉय आता इंडोनेशियाच्या सातव्या सिडेड जॉनतान ख्रिस्टे याच्यासोबत भिडणार आहे.
याचबरोबर आज पुरूष दुहेरीमध्ये सातवी सिडेड सात्विकसाईराज रंकरेड्डी आणि चिराग शेट्टी ही जोडी खेळणार आहे. तसेच माजी राष्ट्रकुल विजेता परूपल्ली कश्यप देखील आज कोर्टवर उतरणार आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.