Asia Cup 2023 : बीसीसीआयचे सचिव जय शाह यांच्या या निर्णयामुळे पाकिस्तान क्रिकेट बोर्डाचे अध्यक्ष नजम सेठी हे चक्रावून गेले. रागाच्या भरात त्यांनी केलेल्या ट्विटवरून ते लढण्यास तयार असल्याचे स्पष्टपणे दिसून येत आहे.

मात्र, त्याच्या ट्विटवर पाकिस्तानचे लोक नजम सेठी यांना सल्ला देत आहे, त्याच्याशी पंगा नका, कारण पाकिस्तान अजून एवढी मोठी शक्ती बनलेला नाही. खरं तर जय शहा यांनी आशियाई क्रिकेट परिषदेचे कॅलेंडर जारी केले, त्यानंतर पीसीबी प्रमुखांनी त्यांच्यावर निशाणा साधण्याचा प्रयत्न केला. (Najam Sethi left furious as Jay Shah announces Asia Cup calendar)

जय शहा हे आशियाई क्रिकेट परिषदेचे अध्यक्ष देखील आहेत आणि त्यांनी पुढील 2 वर्षांचे वेळापत्रक जाहीर केले, ज्यामध्ये 2023 आणि 2024 मध्ये आशियातील मोठ्या स्पर्धांचे वेळापत्रक आहे.

मात्र, जय शहा यांचे हे पाऊल नजम सेठी यांना आवडले नाही आणि ते संतापले. त्यांनी ट्विट करून लिहिले की, आशियाई क्रिकेट परिषदेचे एकतर्फी कॅलेंडर आणि संरचना जारी केल्याबद्दल जय शाह यांचे आभार. तुम्ही पाकिस्तानमध्ये होणार्‍या आशिया कप 2023 चे कॅलेंडर देखील जारी केले. आता तुम्ही इतके केले आहे, तर PSL 2023 चे कॅलेंडर देखील प्रकाशित करा.

नजम सेठी यांनी जय शहावर निशाना साधण्याचा पुरेपूर प्रयत्न केला, पण ते येथेच अडकले. त्याचेच लोक त्यांना पंगा घेऊ नका असा सल्ला देत आहेत. पाकिस्तानचे लोक म्हणाले की, सेठीसाब, पंगा घेऊ नका, तुम्हाला नंतर पश्चाताप होईल. आपण आता इतके मोठे शक्ती नाही.