Will Jacks Sixes VIDEO : इंग्लंडचा अष्टपैलू खेळाडू विल जॅक्स हा आयपीएलमध्ये आरसीबीकडून खेळतो. या विल जॅक्सने टी 20 ब्लास्टमध्ये मिडलसेक्सविरूद्ध मोठा धमका केला. सरेकडून खेळणाऱ्या जॅक्सने ल्युक होलोमन टाकत असलेल्या 11 व्या षटकात सलग 5 षटकार ठोकले.

जॅक्सला युवराज सिंगच्या सहा चेंडूत सहा षटकार ठोकण्याच्या विक्रमाशी बरोबरी करण्याची संधी होती. मात्र ही संधी जॅक्सला साधता आली नाही. विशेष म्हणजे जॅक्सच्या 96 धावांच्या खेळीच्या जोरावर सरेने मिडलसेक्सविरूद्ध 253 धावांचे आव्हान ठेवले. मात्र हे आव्हान मिडलसेक्सने 4 चेंडू शिल्लक ठेवून पार केले.

रॉयल चॅलेंजर बेंगलोरने इंग्लंडच्या विल जॅक्सला 3.2 कोटी रूपयाची बोली लावून आपल्या गोटात खेचले होते. मात्र इंग्लंड बांगलादेश वनडे सामन्यात त्याचा स्नायू दुखावला त्यामुळे तो यंदाच्या आयपीएल हंगामाला मुकाला होता.

सामन्याबद्दल बोलायचं झालं तर जॅक्सने ल्युक होलोमन टाकत असलेल्या 11 व्या षटकात पहिल्या पाच चेंडूवर पाच षटकार मारले. ल्युकने हरप्रकारे गोलंदाजी करत जॅक्सला हाणामारी करण्यापासून रोखण्याचा प्रयत्न केला. मात्र चांगल्याच फॉर्ममध्ये असलेल्या जॅक्सने प्रत्येक चेंडू मैदानाबाहेर टोलवला.

षटकातील सहावा चेंडू देखील जॅक्स षटकार मारणार अन् युवराज सिंगच्या विक्रमाशी बरोबरी करणार असे वाटत होते. पाच चेंडूत पाच षटकार खाणारा होलोमन देखील हतबल झाला होता. त्याने सहावा चेंडू फूलटॉस टाकला. जॅक्स या चेंडूवर षटकार मारत विक्रमाशी बरोबरी करणार असे वाटत होते. मात्र विल जॅक्सला या चेंडूवर षटकार मारण्यात अपयश आले.

सामन्याबद्दल बोलायचं झालं तर जॅक्सने 45 चेंडूत 96 धावा ठोकल्या. तर लॉरी एव्हान्सने 37 चेंडूत 85 धावा ठोकल्या. सरेने मिडलसेक्सविरूद्ध 7 बाद 252 धावांचे आव्हान ठेवले. मात्र हे आव्हान मिडलसेक्सने 4 चेंडू शिल्लक ठेवून पार केले.

मिडसेक्सने इंग्लंडमध्ये टी 20 क्रिकेट इतिहासातील सर्वात मोठी धावसंख्या चेस करत इतिहास रचला. मिडलसेक्सकडून कर्णधार स्टिफन एस्किनाझीने 39 चेंडूत 73 तर मॅक्स होल्डेनने 38 चेंडूत 65 धावांची खेळी केली.

(Sports Latest News)