Dinesh Karthik : भारत आणि इंग्लंड यांच्यातील सेमी फायनल सामन्यात भारतीय संघाने झिम्बाब्वेविरूद्धच्या संघात कोणताही बदल केले नाही. त्यामुळे आजच्या सामन्यात ऋषभ पंत की दिनेश कार्तिक की दोघे या प्रश्नाचे उत्तर मिळाले. तसेही रोहित शर्माने याबाबतचे संकेत कालच्या पत्रकार परिषदेत दिले होते. दरम्यान, सामन्यापूर्वी दिनेश कार्तिक आणि ऋषभ पंतची एक व्हिडिओ क्लिप चर्चेत आली आहे.

आजच्या इंग्लंडविरूद्धच्या सेमी फायनल सामन्यात भारतीय संघाने मॅच फिनिशन दिनेश कार्तिकच्या ऐवजी डावखुरा धडाकेबाज फलंदाज ऋषभ पंतला संधी दिली. दरम्यान, नाणेफेक होण्यापूर्वी भारतीय संघ सराव करत होता. त्यावेळे अनुभवी दिनेश कार्तिक हा पंतकडून विकेटकिपिंगचे ड्रिल्स करून घेत होता. यावेळीच आजच्या सामन्यात कोण विकेट किपिंगचे ग्लोज घालणार याचा अंदाज आला होता. मात्र या व्हिडिओवरून जरी दिनेश कार्तिकला आजच्या सामन्यात संधी मिळणार नसली तरी त्याने आपल्या परीने भारताच्या विजयासाठी खारीचा का असेना वाटा उचलला असल्याचे दिसून आले.

भारताची प्लेईंग 11

रोहित शर्मा, केएल राहुल, विराट कोहली, सूर्यकुमार यादव, हार्दिक पांड्या, ऋषभ पंत, अक्षर पटेल, आर. अश्विन, भुवनेश्वर कुमार, अर्शदीप सिंग, मोहम्मद शमी