Rohit Sharma : भारत आणि दक्षिण आफ्रिका यांच्यातील पहिल्या कसोटी सामन्यापूर्वी रोहित शर्माने पत्रकार परिषद घेतली. या परिषदेच दक्षिण आफ्रिकेविरूद्धच्या सामन्याबरोबरच वनडे वर्ल्डकप, महिलांचा कसोटी विजय याच्यावरही रोहित बोलला. याचबरोबर त्याला टी 20 वर्ल्डकप 2024 खेळणार की नाही याबाबत देखील प्रश्न विचारण्यात आला.

यावेळी रोहित शर्मा म्हणाला की, 'माझ्या समोर जे काही आहे ते मी खेळण्याचा प्रयत्न करतोय. तुम्हाला काय म्हणायचं आहे हे मला कळतंय. याचं उत्तर तुम्हाला लवकरच मिळेल.' रोहितच्या या उत्तरामुळे तो टी 20 वर्ल्डकप 2024 खेळण्याची शक्यता वर्तवली जात आहे.

रोहितने टी 20 वर्ल्डकप खेळण्याबाबत स्पष्ट उत्तर दिलं नसलं तरी त्याने सर्वांना खेळायचं आहे सर्व मुलांना चांगली कामगिरी करायची आहे असं सांगितलं. यावरून तो टी 20 वर्ल्डकप खेळण्याबाबत उत्सुक असल्याचे दिसते. याचबरोबर त्यानं आम्ही इतके कष्ट करतोय तर आम्हीला काहीतरी मोठं मिळालयला हवं असेही सांगितलं.

रोहित जरी हे सहज बोलून गेला असला तरी यातून टी 20 वर्ल्डकप खेळण्याची त्याची इच्छा असल्याचं स्पष्टपणे जाणवतं.

रोहित शर्माने या पत्रकार परिषदेत केएल राहुलच्या विकेटकिपिंगबद्दल देखील वक्तव्य केलं. तो म्हणाला की, 'राहुलने ज्या प्रकारे वर्ल्डकपमध्ये विकेटकिपिंग केली ते पाहता त्यानं आपल्या विकेटकिपिंगवर काम केलं आहे हे दिसतं. त्यानं सर्वांनाच प्रभावित केलं आहे. त्याच्यामुळे आम्हाला मधल्या फळीत एक दमदार फलंदाज मिळाला आहे.

राहुल वनडेमध्ये मधल्या फळीत उत्तमरित्या फलंदाजी करतोय. तो परिस्थितीनुसार कशी फलंदाजी करायची हे त्याला माहिती आहे. तो किती काळ विकेटकिपिंग करणार हे मला माहितीनाही मात्र तो चांगलं करतोय.'

रोहित पहिल्या कसोटी सामन्यासाठीच्या टीम कॉम्बिनेशनबद्दल बोलताना म्हणाला की, आम्ही आमची 75 टक्के टीम निवडली आहे. उरलेली टीम आम्ही संघाच्या बैठकीत ठरवू.

(Latest Cricket News)