टीम इंडिया आणि वेस्ट इंडिज यांच्यातील तीन एकदिवसीय सामन्यांच्या मालिकेतील दुसरा सामना पोर्ट ऑफ स्पेन येथे खेळला गेला. दुसऱ्या एकदिवसीय सामन्यात वेस्ट इंडिजचा पराभव करून भारताने मालिकेत 2-0 अशी अभेद्य आघाडी घेतली आहे. वेस्ट इंडिजवर भारताचा हा सलग 12वा मालिका विजय आहे. अशा स्थितीत विक्रमी विजय मिळवताना संघाचे सेलिब्रेशन कसे मागे राहील. कॅप्टन शिखर धवनने त्याच्या इंस्टाग्राम अकाउंटवरून सेलिब्रेशनचा एक व्हिडिओ शेअर केला आहे. यामध्ये वेस्ट इंडिजविरुद्धच्या रोमहर्षक विजयानंतर टीम इंडियाचे खेळाडू पूर्ण जोमात डान्स करत आहे.(Shikhar Dhawan Shared Team India Dressing Room Celebration Video)

टीम इंडियाचा कर्णधार शिखर धवनने हा व्हिडीओ शेअर करत मजेशीर कॅप्शनही दिले आहे. त्याने लिहिले, टॅलेंट गेम जिंकतो पण टीमवर्क आणि बुद्धिमत्ता चॅम्पियनशिप बनतो. एकामागोमाग एक संघाची अप्रतिम कामगिरी!. व्हिडिओमध्ये तुम्ही पाहिलेच असेल, सेलिब्रेशन मध्ये बाकीचे खेळाडू इशान किशनची धुलाई करताना दिसत आहे. हा व्हिडीओ सोशल मीडियावर प्रचंड व्हायरल होत आहे. या सामन्यात धवनची बॅट चालली नाही. तो फक्त 13 धावा करून बाद झाला. पण, कर्णधार म्हणून त्याला संस्मरणीय विजय मिळाला. धवनने पहिल्या एकदिवसीय सामन्यात 97 धावांची इनिंग खेळली होती.

भारत आणि वेस्ट इंडिज यांच्यातील दुसऱ्या एकदिवसीय सामन्याबद्दल बोलायचे झाले तर, सामन्यात नाणेफेक जिंकून प्रथम फलंदाजी करताना कॅरेबियन संघाने 50 षटकात 6 गडी गमावून 311 धावा केल्या. शाई होपने कारकिर्दीतील 100 वा वनडे खेळताना 115 धावांची शानदार खेळी केली. कर्णधार निकोलस पूरनने 74 धावा केल्या. भारताकडून शार्दुल ठाकूरने तीन बळी घेतले.

प्रत्युत्तरात टीम इंडियाने 2 चेंडू बाकी असताना 8 गडी गमावून लक्ष्य गाठले. भारताकडून अक्षर पटेलने 35 चेंडूत नाबाद 64 धावा केल्या. त्याचवेळी श्रेयस अय्यरने 63 धावा केल्या. संजू सॅमसनने वनडे कारकिर्दीतील पहिले अर्धशतक केले.