आयपीएल १५ व्या सीझनमधील दुसरा क्वालिफायर सामना राजस्थान आणि आरसीबी यांच्यात खेळवण्यात येणार आहे. अहमदाबाद येथे होणाऱ्या सामन्यात जो कोणी बाजी मारेल त्याची फायनलमध्ये लढत गुजरात टायटन्सशी होणार आहे. दरम्यान, खराब फॉर्मशी झगडणाऱ्या विराट कोहलीबद्दल पाकिस्तानच्या शोएब अख्तरने भावनात्मक वक्तव्य केलं आहे.

राजस्थानविरुद्ध लढण्यापूर्वी शोएबने विराटबद्दल भावनिक वक्तव्य केलं आहे. विराटचा आणखी फॉर्म खराब झाल्याचे मी पाहू शकत नाही. आज त्याला जगाला दाखवून द्यायचे आहे की विराट कोहली कोण आहे?

माझे मनं सांगत आहे की आज विराट कोहली कमालीची खेळी खेळणार. तो त्याच्या टीमला पुढं घेऊन जाईल. मी आणखी त्याला फ्लॉप ठरतेले पाहू नाही शकत. ही हाक माझ्या हृदयातून आहे. तरच आजची मॅच पाहण पात्रतेच ठरेल. मला मनापासून वाटतं की तो आजच्या सामन्याचा मॅच विनर बनावा. मी त्याला आनंदी पाहू इच्छित आहे. असे भावनात्मक विधान अख्तरने यावेळी केले.

तसेच, कोहली हा एक ग्रेट प्लेअर आहे. त्याला विनाकारण लोक ट्रोल करत असतात. आज न डगमगता आरसीबीच्या शिरोपेचार मोरपंख रोवायचा आहे. आणि विराट कोण आहे हे दाखवून द्यायचं आहे. अशी भावना यावेळी अख्तरने व्यक्त केली.

यंदाच्या सीझनमध्ये कोहलीने १५ सामने खेळले आहेत. त्याने आत्तापर्यंत ३३४ धावा केल्या आहेत. त्याने केवळ २ अर्धशतके झळकावली आहेत. तर तीनवेळा तो गोल्डन डकवर आऊट झाला आहे. विराटने आयपीएल कारकिर्दीत आत्तपर्यंत २२२ सामने खेळले आहेत. त्याने यादरम्यान, ६६६१७ धावा केल्या आहेत. यामध्ये ५ शतक तर ४४ अर्धशतके ठोकले आहेत.