Australia Vs Sri Lanka T20 World Cup 2022 : यजमान ऑस्ट्रेलियाला पहिल्याच सामन्यात न्यूझीलंडने पराभवाचा धक्का दिला होता. आता दुसऱ्या सामन्यात तुलनने दुबळा समजल्या जाणाऱ्या श्रीलंकेनेही त्यांच्यासमोर विजयासाठी 158 धावांचे आव्हान ठेवले. श्रीलंकेकडून पथुम निसंकाने सर्वाधिक 40 धावा केल्या. तर मधल्या फळीतील फलंदाज चरीथ असलंकाने 25 चेंडूत 38 धावांची आक्रमक खेळी करत लंकेला 150 च्या पार पोहचवले. धनंजया डि सेल्वाने 26 तर चमिका करूणारत्नने 7 चेंडूत नाबाद 14 धावांचे योगदान दिले. श्रीलंकनेने 20 षटकात 6 बाद 157 धावा केल्या.
पर्थवर नाणेफेक जिंकून ऑस्ट्रेलियाने प्रथम गोलंदाजी करण्याचा निर्णय घेतला. कमिन्सने दुसऱ्याच षटकात श्रीलंकेचा आघाडीचा फलंदाज कुसल मेंडसला बाद करत हा निर्णय सार्थ ठरवले. मात्र त्यानंतर सलामीवीर पथुम निसंका आणि धनंजया डि सेल्वा यांनी भागीदारी रचण्यास सुरूवात केली. या दोघांनी दुसऱ्या विकेटसाठी 69 धावांची भागीदारी रचली. दरम्यान, डि सेल्वा 26 धावा करून बाद झाला. पाठोपाठ 45 चेंडूत 40 धावांची खेळी करणारा निसंका देखील माघारी गेला.
ऑस्ट्रेलियाने दहा ते 17 या षटकात श्रीलंकेच्या फलंदाजांना ठराविक अंतराने बाद करत त्यांची धावगतीही रोखली. यामुळे लंकेची अवस्था 17.3 षटकात 6 बाद 120 धावा अशी झाली होती. मात्र त्यानंतर असलंका आणि करूणारत्ने यांनी सातव्या विकेटसाठी नाबाद 37 धावांची भागीदारी रचली. असलंकाने 25 चेंडूत नाबाद 38 धावा केल्या तर करूणारत्नेने 7 चेंडूत 14 धावा करत त्याला चांगली साथ दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.