Surya Kumar Yadav : भारत आणि दक्षिण आफ्रिका यांच्यातील दुसऱ्या टी 20 सामन्यात सुरूवातीला बसलेल्या दोन धक्क्यानतंरही कर्णधार सूर्यकुमार यादव आणि तिलक वर्मा यांनी आक्रमक फलंदाजी करत भारताला चांगली सुरूवात करून दिली.

सूर्यकुमार यादवने या खेळीदरम्यान, आंतरराष्ट्रीय टी 20 क्रिकेटमधील आपल्या 2000 धावा देखील पूर्ण केल्या. इनिंग्जच्या बाबतीत सर्वात वेगाने टी 20 मध्ये 2000 धावा पूर्ण करणारा तो संयुक्तरित्या दुसऱ्या क्रमांकाचा फलंदाज ठरला.

भारताकडू टी 20 क्रिकेटमध्ये सर्वाधिक धावा

• विराट कोहली - 107 डावात 4008 धावा

• रोहित शर्मा - 140 डावात 3853 धावा

• केएल राहुल - 68 डावात 2256 धावा

• सूर्यकुमार यादव - 56 डावात 2000 धावा

सर्वात कमी डावात टी 20 क्रिकेटमध्ये 2000 धावा करणारे फलंदाज

• बाबर आझम - 52 डाव

• मोहम्मद रिझवान - 52 डाव

• विराट कोहली - 56 डाव

• सूर्यकुमार यादव - 56 डाव

• केएल राहुल - 58 डाव

सूर्यकुमार यादवने याचबरोबर अजून एक विक्रम आपल्या नावावर केला. तो टी 20 क्रिकेटमध्ये सर्वात कमी चेंडूत 2000 धावा पूर्ण करणार पहिला खेळाडू ठरला आहे. त्याने 1164 चेंडूतच टी 20 मध्ये आपल्या 2000 धावा पूर्ण केल्या.

(Sports Latest News)